Cricket War Between Seemandhra Ministers Over Samaikyandhra
متحدہ آندھراپردیش کے حامیوں کے دوطلباء گروپس میں وشاکھاپٹنم میں24نومبر کو ہونے والے ٹیم انڈیا اور ویسٹ انڈیز کے درمیان ایک روزہ میاچ کے انعقاد پر زبردست اختلافات پیدا ہوگئے ہیں۔سمکھیہ ودھیاتی جوائنٹ ایکشن کمیٹی ونڈے انٹرنیشنل میاچ کے وشاکھاپٹنم میں انعقاد کے خلاف ہے جبکہ جوائنٹ ایکشن کمیٹی کے بعض طلباء کا احساس ہے کہ انٹرنیشنل کرکٹ کو ریاست کی تقسیم کے مسئلہ سے نہیں جوڑنا چاہئے۔سمکھیہ آندھراودھیارتی(جے اے سی)کے رکن اے مہیش نے پریس کانفرنس سے خطاب کرتے ہوئے بتایاکہ موجودہ حالات میں ڈاکٹر وائی ایس راج شیکھر ریڈی اسٹیڈیم میں میاچ کے انعقاد سے مرکزکوغلط سگنل جائے گا۔میاچ میں بھاری تعداد میں لوگوں کے آنے سے مرکزی حکومت کو یہ احساس ہوگا کہ وشاکھاپٹنم کے عوام پر ریاست کی تقسیم کا کوئی اثرنہیں ہے۔لہذاہند۔ویسٹ انڈیزونڈے میاچ کومنسوخ کیاجاناچاہئے۔دورسری طرف جے اے سی کے اے کشورکاکہنا ہے کہ متحدہ ریاست کی تحریک کا انٹرنیشنل کرکٹ پر اثرنہیں پڑناچاہئے کیونکہ کھیل کود اور سیاست میں کوئی رابطہ نہیں ہے۔انٹرنیشنل کرکٹ کا تعلق راست طور وشاکھاپٹنم شہر کے وقار سے ہے اور کسی کو بھی اس وقار کو مجروح کرنے کا حق حاصل نہیں ہے۔
کوئی تبصرے نہیں:
ایک تبصرہ شائع کریں