US restrictions on Iran Pakistan gas pipeline project
امریکہ کے ایک سرکردہ سفارت کار نے کہا کہ اگر پاکستان کئی ملین ڈالر کے ایران ۔ پاک گیاس پائپ لائن پراجکٹ میں شامل ہوگا تو وہ امریکہ کی سخت تحدیدات کی زد میں آسکتا ہے۔ امریکی انڈر سکریٹری آف اسٹیٹ ونڈی شرمن نے کانگریس کی سماعت کے دوران بیان دیتے ہوئے کہا کہ اس سلسلہ میں پاکستان سے بات چیت کی جارہی ہے۔ پاکستان پر واضح کردیا گیا کہ اگر وہ ایران ۔پاک گیاس پراجکٹ کو آگے بڑھائے تو وہ امریکی سخت تحدیدات کی زد میں آسکتا ہے۔ ونڈی شرمن نے سینٹ کی خارجہ تعلقات کمیٹی کے سامنے بیان دیتے ہوئے کہا کہ پاکستان کو امکانی تحدیدات سے آگاہ کردیا گیا ہے۔ پاکستان نے محسوس کرلیا ہے کہ اس سلسلے میں امریکہ کا کیا موقف ہے۔ گذشتہ ہفتہ پاکستان کے وزیر اعظم نواز شریف نے کہا کہ ان کی حکومت ایران کے ساتھ گیاس پائپ لائن پراجکٹ کے اشتراک کو آگے بڑھائے گی۔ پاکستان کی سابق حکومت نے ایران کے ساتھ گیاس پائپ لائن پراجکٹ کا معاہدہ کیا تھا۔ سینٹ کے ایک رکن نے کہا کہ اگر پاکستان اور ایران کے درمیان گیاس پائپ لائن پراجکٹ آگے بڑھے تو ایران کے خلاف امریکی تحدیدات کی خلاف ورزی ہوگی۔ اگر پاکستان اس سلسلہ میں پیش رفت کرتا ہے تو امریکہ تحدیدات عائد کرنے آگے بڑھے گا۔
کوئی تبصرے نہیں:
ایک تبصرہ شائع کریں