جمعیتہ العلماء ہندنے اس بات کانوٹ لیتے ہوئے کہ حکومتوں کی تبدیلیوں کے باوجود ملک کے مسلمان پسماندہ رہے ہیں،آج مطالبہ کیاہے کہ مسلمانوں کو10فیصد علیحدہ کوٹہ دیاجائے اوراس میکانزم کو ختم کیاجائے جس کے تحت وہ(مسلمان)،دیگرپسماندہ طبقات (او بی سی) تحفظات کے فوائد کے حقدار ہیں۔جمعیتہ العلماء کے جنرل سکر یٹری سید محمود مدنی نے یہاں کہا کہ او بی سی کے موجودہ کوٹہ کے فوائد،مسلمانوں تک نہیں پہنچ پارہے ہیں کیونکہ ذات پات کی بنیادپرتفاوت اورجانبداری پائی جاتی ہے۔بااثرذاتواں والے زیادہ سے زیادہ مراعات/فوائدحاصل کررہے ہیں ''مولانا نے مطالبہ کیا کہ رنگناتھ مشراکمیشن کی سفارشات کے مطابق کوٹہ فراہم کیا جائے۔مسلمانوں کی بہبود کے لئے زیادہ جامع طریقہ اختیارکیاجائے اور مسلمانوں کے تعلق سے لوگوں کی ذہنیت کو تبدیل کرنے ضرورت ہے۔انہوں نے تلقین کی کہ مسلمانوں کو خود بھی ،معاشرہ کے بدلتے رجحانات سے ہم آہنگ ہونے کی ضرورت ہے۔