Nawaz Sharif, Manmohan Singh to meet at UN
پاکستان نے آج کہا ہے کہ وہ اس ماہ کے اواخر میں نیویارک میں اقوام متحدہ جنرل اسمبلی کے موقع پر دونوں ملکوں کے وزرائے اعظم کے درمیان امکانی ملاقات کے لیے تاریخ کے تعین کے بارے میں ہندوستان کے ساتھ ربط میں ہے۔ دفتر خارجہ کے ترجمان اعزاز چودھری نے کہا کہ اس ملاقات کی تاریخ طے کی جا رہی ہے۔ یہ پوچھے جانے پر کہ آیا کسی تاریخ کی تجویز پیش کی گئی ہے ، انہوں نے اپنی ہفتہ وار پریس بریفنگ کے دوران کہا کہ دونوں حکومتیں ربط میں ہیں۔ چودھری نے کہا کہ اگر ملاقات کا موقع پیدا ہوتا ہے تو یہ دونوں قائدین کے لیے ایک دوسرے کے ساتھ بات چیت کرنے اور امن بات چیت کو آگے بڑھانے کا بہترین موقع ہوگا۔
کوئی تبصرے نہیں:
ایک تبصرہ شائع کریں