گجرات کی ترقی میں نریندر مودی کا اہم رول - اڈوانی کے ستائشی ریمارکس

16/ستمبر کوربا (چھتیس گڑھ) آئی۔اے۔این۔ایس

سینئر بی جے پی لیڈر ایل کے اڈوانی نے آج پارٹی کے امیدوار وزارتِ عظمیٰ چیف منسٹر گجرات نریندر مودی کی دل کھول کر ستائش کی۔ انہوں نے اس کے ساتھ چیف منسٹر مدھیہ پردیش شیوراج سنگھ چوہان اور چیف منسٹر چھتیس گڑھ رمن سنگھ کی بھی تعریف کی۔ اڈوانی یہاں500میگاواٹ پیداواری صلاحیت کے حامل تھرمل پاور پلانٹ کو(قوم کے نام) معنون کرنے کے بعد تقریب سے خطاب کررہے تھے۔ انہوں نے کہاکہ "مودی وہ پہلے لیڈر ہیں جنہوں نے گجرات کے دیہی علاقوں میں ترقیاتی کام انجام دیئے۔ انہوں نے (مودی نے) گجرات کی ترقی میں بڑا رول ادا کیا جہاں سے(ریاست گجرات سے) میں ایم پی منتخب ہواہوں۔" سینئر بی جے پی لیڈر نے کہاکہ اڈوانی، شیوراج سنگھ اور رمن سنگھ نے اپنی اپنی ریاستوں کے دیہی دوردراز علاقوں میں معاشی ترقی کے اقدامات کئے۔"ان کی ترقی اور کامیابیوں پر مجھے فخر ہے۔"یہاں یہ تذکرہ مناسب ہوگا کہ گذشتہ13ستمبر کوبی جے پی کے امیدوار وزارتِ عظمی کی حیثیت سے نریندر مودی کے نام کے اعلان کے بعد مودی کے بارے میں اڈوانی کے یہ پہلے برسرعام ریمارکس تھے۔

LK Advani praises Narendra Modi for Gujarat's development