We don't endorse Modi: UK envoy James Bevan
برطانوی حکومت نے کہا ہے کہ وزیراعلیٰ گجرات کو دورہ برطانیہ کی دعوت ایک خانگی معاملہ ہے اور ان کی حکومت گجرات فسادات اور ریاست میں حقوق انسانی کی پامالی پر اپنی تشویش کا اظہار کرتی ہے۔ اس سے قبل بھی نریندر مودی لندن میں یوم گجرات کے موقع پر گجراتی برادری سے خطاب کیلئے برطانیہ جانے والے تھے لیکن آواز اور ساؤتھ ایشیاء واچ ، جیسی غیر سرکاری تنظیموں نے مسٹر مودی کے دورے کی مخالفت میں سخت احتجاج کیا تھا۔ اس سے قبل مودی نے جب یہ اعلان کیا تھا کہ وہ سرکاری دورے پر لندن جانے والے ہیں تو برطانیہ کی جانب سے ایک بیان میں وضاحت کی گئی تھی کہ لندن میں مسٹر مودی کی کوئی سرکاری مصروفیات نہیں ہیں اور ان سے کوئی بھی اہلکار ملاقات نہیں کرے گا۔ گجرات فسادات کے بعد سے ہی برطانیہ مودی کے ساتھ فاصلہ رکھنے کی اپنی پالیسی پر قائم ہے۔ یاد رہے کہ امریکہ نے مسٹر مودی کا ویزا مسترد کردیا تھا۔ اس کے مطابق گجرات فسادات میں میں مسٹر مودی کا رول مشکوک ہے اور انہوں نے اپنی آئینی ذمہ دارایاں پوری نہیں لیں۔ وزیراعلی کی حیثیت سے انہوں نے مجرموں کو سزا دلانے کے بجائے بچانے میں اہم رول ادا کیا ہے۔ برطانوی ہائی کمشنر نے مزید کہاکہ گجرات فسادات میں 3برطانوی شہری بھی ہلاک ہوئے تھے اور ہمیں آج بھی ان کیلئے انصاف کا انتظار ہے۔
کوئی تبصرے نہیں:
ایک تبصرہ شائع کریں