اسی دوران اترپردیش کے چیف منسٹر اکھلیش یادو نے یہاں آج مسلم قائدین سے ملاقات کرتے ہوئے انہیں تیقن دیا ہے کہ خالد مجاہد کے قتل میں ملوث کسی بھی مجرم کو بخشا نہیں جائے گا۔ یادو نے آج یہاں ان مسلم تنظیموں کے قائدین سے ملاقات کی جنہوں نے خالد مجاہد کی پولیس تحویل میں موت کے خلاف بطور احتجاج سیاہ جھنڈیاں لہرانے کا اعلان کیا تھا۔ یوپی کے چیف منسٹر ممبئی میں یوپی بھون کا افتتاح کرنے کیلئے آئے ہوئے تھے، جب مسلم قائدین نے بے قصور مسلم نوجوانوں کی رہائی کیلئے انہیں اپنے ماقبل انتخابی وعدے کی یاد دہانی کرائی تو اکھلیش یادو نے کہاکہ وہ ان مسلم نوجوانوں کی رہائی کیلئے تمام تر ممکنہ کوششیں کررہے ہیں۔ مسلم تحفظات پر بات چیت کرتے ہوئے یادو نے کہاکہ ان کی حکومت جلد ہی اس سلسلہ میں اعلان کرے گی جو کہ دیگر ریاستوں کیلئے بھی رہنمایانہ خطوط ثابت ہوں گے۔ مسلم قائدین کی جانب سے ان تمام امور کو واضح طورپر پیش کرتے ہوئے یہ کہنے پر کہ سماج وادی پارٹی کی حکومت مسلمانوں کو تحفظات فراہم کرنے میں ناکام ہوگئی ہے، اکھلیش یادو نے مذکورہ تیقنات دئیے۔ کل ہند مسلم تحریدک کے کنویر عامر ادریسی نے اکھلیش یادو سے بات چیت کرتے ہوئے کہاکہ اپریل 2012ء میں سماج وادی پارٹی کے اقتدار پر آنے کے بعد سے مسلمانوں کی جان و مال محفوظ نہیں ہے۔ گذشتہ ایک سال میں کئی فرقہ وارانہ فسادات ہوچکے ہیں۔ اسلامک ڈیفنس سائبر سیل کے صدر عبدالرحمن انجاریہ اور مسلم پرسنل لاء بورڈ(جدید) کے قومی ترجمان نے نفرت انگیز تقریر پر ورون گاندھی کی رہائی کے مسئلہ پر بھی چیف منسٹر سے بات چیت کی۔ ان قائدین نے کہاکہ جس انداز میں ورون گاندھی کو کلین چٹ دی گئی ہے وہ ملک کیلئے کافی خطرناک مثال ثابت ہوسکتی ہے، اس لئے چیف منسٹر کو چاہئے کہ وہ ورون گاندھی کی رہائی کے خلاف ہائی کورٹ میں اپیل داخل کریں۔ اس مسئلہ کا جواب دیتے ہوئے اکھلیش یادو نے کہاکہ قانونی ماہرین سے مشاورت کے بعد اس سلسلہ میں اگلا قدم اٹھایا جائے گا۔ اس موقع پر جمعےۃ العلماء ممبئی کے صدر عباس سلام خان قاسمی اور انصاری فاونڈیشن کے صدر سراج انصاری بھی موجود تھے۔
Malegaon blast: Are security agencies wrongfully arresting innocent Muslims?
کوئی تبصرے نہیں:
ایک تبصرہ شائع کریں