پہلی نوجوان سعودی خاتون نے ماؤنٹ ایورسٹ سر کیا

18/مئی نئی دہلی ایجنسیاں

سعودی عرب کی ایک خاتون نے ماونٹ ایورسٹ کی چوٹی سر کرلی ہے اور اس کے ساتھ پہلی عرب خاتون کی حیثیت سے یہ کارنامہ انجام دے کر تاریخ بنالی ہے۔ 25 سالہ راہا موحرک ان 63افراد میں شامل تھیں جنہوں نے چوٹی سر کرنے میں کامیابی حاصل کی ہے۔ خبر رساں ایجنسی نے نیپالی ذرائع سے اس کی تصدیق کی ہے۔ نیپالی ماونٹیرنگ شعبہ کے تلک پانڈے نے کہاکہ 35 غیر ملکی اور ان کے ہمراہ 29 نیپائی شیرپا نے 8,850 میٹر اونچی چوٹی سنیچر کو صبح سویرے سر کرلی ہے۔ ان لوگوں نے رات اونچائی پر واقع کیمپ میں گزاری تھی۔ جوکہ ساؤتھ کول پر واقع ہے۔ راہا نہ صرف پہلی سعودی خاتون ہیں بلکہ سب سے نوجوان عرب خاتون ہیں جس نے ایورسٹ کی چوٹی سر کرنے میں کامیابی حاصل کی ہے۔ بی بی سی کے مطابق جدہ سے تعلق رکھنے والی موحرک یونیورسٹی سے گریجویٹ ہیں اور فی الحال دبئی میں رہائش پذیر ہیں۔

Saudi woman Raha Moharrak becomes the youngest Arab to conquer Everest