Kayani conveys army's concerns to Zardari
فوج کے سربراہ جنرل اشفاق پرویز کیانی نے صدر آصف علی زرداری کو ملک بھر میں لاء اینڈ آرڈر کی تیزی سے بگڑتی ہوئی صورتحال پر پاکستانی فوج کی تشویش سے مطلع کیا اور صورتحال سے نمٹنے کیلئے فوری اقدامات کا مطالبہ کیا۔ کیانی نے فوج کے کارپس کمانڈر کے ایک اجلاس کی صدارت کی فوری بعد کل فوج کے خدشات سے زرداری کو واقف کروایا۔ فوج کی اعلیٰ قیادت نے کوئٹہ اور کراچی میں شیعوں کے خلاف سلسلہ وار ہلاکت خیز دہشت گرد حملوں کے تناظر میں داخلی سلامتی کی صورتحال کا جائزہ لیا۔ ان واقعات میں اب تک 250افراد ہلاک ہو چکے ہیں ۔ کیانی نے کنٹرول سے باہر ہوتی ہوئی سکیورٹی کی صورتحال کے بارے میں اپنے کمانڈرس کی تشویش سے زرداری کو آگاہ کیا۔ اخبار ڈان نے اپنے ذرائع کے حوالہ سے یہ بات بتائی۔ کیانی ماضی میں بھی قانون نافذ کرنے والے اداروں کے ناقص مظاہرے پر برسر عام تشویش ظاہر کر چکے ہیں ۔ انہوں نے بعض سیاسی پارٹیوں کی عسکری شاخوں کے وجود کی نشاندہی کی اور بتایا کہ بعض پارٹیاں دہشت گرد گروپوں کے ساتھ رابطے رکھتے ہیں جو تشدد کی لہر میں معاون ثابت ہونے والا ایک بڑا عامل ہے ۔ جس نے پاکستان کو اپنی گرفت میں لے رکھا ہے ۔ کیانی نے مبینہ طورپر حکومت کی تائید پر قانون نافذ کرنے والے سیویلین اداروں سے مکمل تعاون کے فوج کے عہد کا اعادہ کیا۔ فوجی کمانڈرس کا خیال ہے کہ قانون نافذ کرنے والے اداروں کو دہشت گردی کی لعنت سے نمٹنے کیلئے مکمل تال میل کے ساتھ کام کرنا پڑے گا۔ فوجی قیادت نے خیال ظاہر کیا ہے کہ فوج دہشت گردی کے خطرے سے نمٹنے کیلئے پوری طرح تیار ہے وہ جہاں کہیں ضرورت ہو حکومت کی مدد کر سکتی ہے ۔
کوئی تبصرے نہیں:
ایک تبصرہ شائع کریں