حج 2013 کا پہلا قافلہ کولکاتا سے

15/فبروری کولکاتا ایس۔این۔بی (خالد عرفان)

مغربی بنگال ریاستی حج کمیٹی اس بات سے پورے طورپر مطمئن ہے کہ گذشتہ برس کی طرح امسال بھی مرکزی حج کمیٹی کولکتہ کے نیتاجی سبھاش چند ربوس بین الاقوامی ہوائی اڈہ سے سعودی عرب کیلئے ہندوستان سے عازمین کا پہلا قافلہ روانہ کرنے کا شرف بخشے گا۔ حج 2013ء کیلئے ہندوستان کا پہلا طیارہ 7!ستمبر کومدینہ منورہ کیلئے روانہ ہو گا۔ مغربی بنگال ریاستی حج کمیٹی کے چیف ایگزیکٹیو آفیسر مطلب علی سردار نے بتایا کہ مذکورہ اطلاع دیتے ہوئے بتایاکہ مرکزی حج کمیٹی اس بات سے بخوبی واقف ہے کہ مغربی بنگال حج سیزن کے تمام کام وقت مقررہ پر انجام دینے میں سرفہرست ہے ۔ مرکزی حج کمیٹی نے کسی بھی ریاست کو وہ حق نہیں فراہم کیا جو مغربی بنگال ریاستی حج کمیٹی کو حاصل ہے ۔ چونکہ فریضہ حج کی تیاری ملکی پیمانے پر بڑے زور و شور سے کیا جاتا ہے ۔ ریاستی حج کمیٹیوں کے ساتھ ساتھ مرکزی حج کمیٹی بھی حج سیزن کے انتظامات سے پورے طورپر مطمئن ہونا چاہتی ہے اور حج فلائٹ کو لے کر وہ بیحد سنجیدہ ہوتی ہے اس لئے اسی ریاست کا انتخاب کیا جاتا ہے جہاں سے عازمین حج کی ہوائی پروازوں کو مکمل طورپر راست رکھا جاسکے ۔

first hajj group from kolkata