alquds palestinian israel army Conflict
اسرائیلی جیلوں میں قید فلسطینی اسیران سے اظہار یکجہتی کیلئے ہونے والی احتجاجی ریالیوں کے موقع پر مقبوضہ بیت المقدس کی متعدد رہائشی کالونیوں اور مہاجر کیمپوں میں صہیونی فوجیوں اور مظاہرین کے درمیان جھڑپیں ہوئیں جن میں کئی فلسطینی زخمی ہو گئے ۔ پرانے القدس شہر کی جنوبی میونسپلٹی سلوان میں فلسطینی نوجوان اور سکیورٹی فورسس میں ہونے والی لڑائی میں کئی فلسطینی زخمی ہو گئے ۔ مظاہرین کو منشتر کرنے کیلئے کی جانے والی آنسو گیس شیلنگ سے کئی نوجوان زخمی ہوئے ۔ شمالی القدس کی میونسپلٹی العیسویہ میں ایک نو سالہ بچہ سر میں گولی لگنے سے زخمی ہوا تاہم اس کی حالت خطرے سے باہر بیان کی جاتی ہے ۔ یہ جھڑپیں جمعہ کی شب اس وقت شروع ہوئیں جب اسرائیلی حکام نے 200دنوں سے احتجاجی بھوک ہڑتال کرنے والے قیدی سامر الیعسادی سے اظہار یکجہتی کیلئے لگائے گئے کیمپ اکھاڑنے کی کار روائی شروع کی جس کے بعد جھڑپوں کا آغازہوا۔ مظاہرین کے پتھراؤ، شیشے کی خالی بوتلوں کے حملے سے کئی اسرائیلی فوجی بھی زخمی ہوئے ۔
کوئی تبصرے نہیں:
ایک تبصرہ شائع کریں