Snowstorm knocks out power for thousands across north-east US
امریکہ کی شمالی مشرقی ریاستوں اور مشرقی کناڈا میں شدید برفباری سے مختلف شہروں میں بجلی اور ٹریفک کا نظام درہم برہم ہو گیا ہے ۔ 3.5لاکھ سے زیادہ گھروں میں بجلی کی فراہمی معطل ہے ۔ امریکہ کی شمال مشرقی ریاستوں کے کچھ علاقوں میں تین فٹ تک برف پڑچکی ہے اور انہیں شدید برفانی طوفان کا سامنا ہے ۔ ابھی تک 4افراد کے ہلاک ہونے کی اطلاع ہے ۔ دوسری جانب بحراوقیانوس کے ساحل پر آباد مشرقی کناڈا کے باشندوں کو بھی سخت برفباری کا سامنا ہے ۔ اونٹاریو میں زبردست برفباری ہوئی ہے اور نیو برنسوک، نوا اسکواشا اور نیو فاؤنڈ لینڈ وغیرہ برفانی طوفان کی زد میں ہیں ۔ اونٹاریو میں 200 سے زیادہ ٹریفک حادثات ہو چکے ہیں جن میں تین لوگ ہلاک ہو چکے ہیں ۔ پیشی قیاسی میں شدید ہواؤں کے ساتھ برف پڑنے کا خطرہ بتایا گیا ہے ۔ بوسٹن کے قریبی علاقوں میں تقریباً74سنٹی میٹر برف پڑی ہے ۔ نیویارک، مینے ، کنکی کٹ میں بھی یہی صورتحال ہے ۔ مساچوسیسٹس کے قریب نیوکلر برقی پلانٹ کو بند کر دیا گیا ہے ۔ کل 56تا64 کلو میٹر فی گھنٹہ کی رفتار سے ہوائیں چل رہی تھیں جن کی رفتار رات میں 60میل فی گھنٹہ ہو گئی۔
کوئی تبصرے نہیں:
ایک تبصرہ شائع کریں