نریندر مودی کو ہرگز ویزا نہیں دیا جائے گا - امریکہ کی وضاحت

19/فبروری نئی دہلی ایجنسیاں

یوروپی یونین اور برطانیہ نے اگرچہ کہ چیف منسٹر گجرات نریندر مودی کے تعلق سے پالیسی تبدیل کر دی ہے لیکن امریکہ نے دوٹوک انداز میں کہا ہے کہ یورپ اور برطانیہ کی پالیسی جو کوئی بھی ہو ہمارا فیصلہ تبدیل نہیں ہو گا۔ نریندر مودی امریکہ کی نظر میں معتوب اور معتوب رہیں گے انہیں ویزا ہرگز نہیں دیا جائے گا جب تک ہندوستان کی عدالت انہیں بے قصور قرارنہیں دیتی اس وقت تک پالیسی پر نظر ثانی ہرگز نہیں کی جائے گی۔ وہ گجرات فسادات کے ملزم ہیں اور ان کے خلاف مقدمات زیر دوراں ہیں ۔ اسسٹنٹ سکریٹری آف اسٹیٹ رابرٹ بلیک نے ایک ہندوستانی ٹی وی چینل سے بات چیت کرتے ہوئے واضح انداز میں کہاکہ جہاں تک چیف منسٹر گجرات نریندر مودی کو ویزا دینے کا تعلق ہے ، امریکی پالیسی اس پر بالکل تبدیل نہیں کی گئی ہے ۔ مودی کے تعلق سے موقف میں تبدیلی، نظر ثانی یا نرمی اختیار کرنے کا سوال ہی پیدا نہیں ہوتا۔ انہو ں نے مزید وضاحت کی کہ ہر کسی کو ویزا کیلئے درخواست داخل کرنے کا اختیار حاصل ہے لیکن ویزا دینے یا نہ دینے کا فیصلہ کئی امور کو ملحوظ رکھتے ہوئے کیا جاتا ہے ۔ بی جے پی لیڈر کو ویزا اسی صورت میں دیا جاسکتا ہے جب انہیں عدالت کی جانب سے بے قصور قراردیاجائے ۔

No change in policy for visa to Narendra Modi, says US