More needs to be done for safety of women: Shinde
مرکزی وزیر داخلہ سشیل کمار شنڈے نے قومی راجدھانی میں خواتین کی سلامتی اور تحفظ کے تعلق سے تشویش ظاہر کرتے ہوئے آج دہلی پولیس کو ہدایت دی ہے کہ وہ مکمل چوکسی سے کام لے تاکہ شہر میں کوئی تخریبی واقعہ پیش نہ آئے ۔ یہاں دہلی پولیس کے 66ویں یوم تاسیس کے موقع پر انہوں نے 16دسمبر کے اجتماعی آبروریزی کے واقعہ کی سخت مذمت کرتے ہوئے کہاکہ پولیس پر لازم ہے کہ وہ اس بات کو یقینی بنائے کہ مستقبل میں ایسا دلدوز سانحہ کبھی نہ گزرے ۔ وزیرداخلہ نے کہاکہ ہمیں اس بات کو یقینی بنانا چاہئے کہ آئندہ ہرگز ایسا نہ ہو اور دہلی کی خواتین کے اعتماد کی بحالی کیلئے بہت کچھ کرنے کی ضرورت ہے ۔ اس یقینی دہانی کے ساتھ کہ امن و قانون کو برقرار رکھنے کیلئے دہلی کی پولیس کی ہر ضرورت پوری کی جائے گی۔ مسٹر شنڈے نے کہاکہ پولیس فورس کو چاہئے کہ وہ اپنی کارکر دگی کو غیر پوشیدہ رکھے اور اس احساس کے ساتھ کام کرے کہ وہ اپنے ہر عمل کیلئے جوابدہ ہے ۔ وزیر داخلہ نے کہاکہ پولیس کو اس وقت مکمل طورپر کامیاب سمجھا جائے گا جب کسی کو بھی تھانے جا کر اپن شکایت درج کرانے میں کسی خوف کا سامنا نہ ہو۔
کوئی تبصرے نہیں:
ایک تبصرہ شائع کریں