ایران - مغربی دباؤ کے آگے نہیں جھکے گا

10/فبروری دبئی رائٹر

ایرانی صدر محمود احمدی نژاد نے آج کہا کہ تہران کے دباؤ کے تحت اس کے متنازعہ نیوکلیر پروگرام کے تعلق سے مذا کرات نہیں کرے گا لیکن وہ اس کے حریفوں سے اس وقت بات چیت کرے گا اگر وہ اس کو بندوق دکھانا روک دیں ۔ اسلامی انقلاب کی 34ویں سالگرہ کے موقع پر اپنی تقریر میں احمدی نژاد کا لب و لہجہ ایران کے روحانی رہنما آیت اﷲ علی خامنہ ای کے مقابلے میں زیادہ مفاہمانہ تھا۔ جبکہ آیت اﷲ خامنہ ای نے 7!فروری کو دونوں ملکوں کے درمیان براہ راست بات چیت کی امریکہ کی تجویز کو یکسر مسترد کر دیا تھا۔ واضح رہے کہ احمدی نژاد کو نیوکلیائی پروگرام سے متعلق بات چیت کی اجازت دینے کا کوئی اختیار نہیں ہے ۔ یہ اختیار خامنہ ای کو حاصل ہے ۔ تہران کے آزادی چوک پر ایک بڑے مجمع سے خطاب کرتے ہوئے احمدی نژاد نے کہاکہ ایران کو بندوق دکھا کر اس کے ساتھ بات چیت کرنے کی امید نہیں رکھ سکتے ۔ انہوں نے کہاکہ بات چیت صرف اپنی رائے یا اپنا موقف مسطل کرنے کیلئے نہیں ہونی چاہئے ۔ انہوں نے مزید کہا کہ اگر آپ ایران کو دھمکی دینا بند کر دیں تو میں خود آپ سے بات کروں گا۔

Iran marks 34th anniversary of Islamic revolution