Anti-Islamist blogger killed in Bangladesh violence
جماعت اسلامی کی مخالفت اور بنگلہ دیش کی جنگ آزادی کے دوران مبینہ طور پر جنگی جرائم کے ملزمین کو سزائے موت دینے کا مطالبہ کرنے والے ایک بلاگر کو قتل کردیا گیا ہے ۔ دوسری طرف جنگی جرائم پر فیصلہ سنانے والی عدالت کے خلاف جاری ملک میں احتجاجی مظاہروں کے دوران پولیس کی فائرنگ کے نتیجے میں بھی 3 افراد مارے گئے ہیں ۔۔۔ جماعت اسلامی نے پیر کو ملک گیر ہڑتال کی اپیل کی ہے ۔ پولیس نے یہاں بتایا کہ کل رات چند نامعلوم لوگوں نے بلاگر احمد رجب حیدر کو خنجر مار کر ہلاک کردیا ۔ حیدر کی نعش اس کے گھر قریب ہی پائی گئی ۔ پیشے کے اعتبار سے آرکیٹکٹ رجب حیدربنگلہ دیش کی جماعت اسلامی سے تعلق رکھنے والوں کے خلاف ملک گیر ریلیاں نکالنے پر زور دیتا تھا ۔ مقتول کے گھر والوں نے شبہ ظاہر کیا ہے کہ اس واردات کے پیچھے انہی لوگوں کا ہاتھ ہوسکتا ہے جن پر وہ تنقید کیا کرتا تھا ۔ ۔ پولیس تحقیقاتی عمل شروع کرچکی ہے ۔
کوئی تبصرے نہیں:
ایک تبصرہ شائع کریں