ایران کے صدر محمود احمدی نژاد تنظیم اسلامی تعاون (آوآئی سی) کے چوٹی اجلاس میں شرکت کی غرض سے قاہرہ آئے ہیں ۔ قبل ازیں انہوں نے ایک نیوز چینل سے بات چیت کرتے ہوئے خواہش ظاہر کی ہے کہ وہ حماس کی حکمرانی والے علاقہ غزہ پٹی جانا چاہتے ہیں ۔ ان سے پوچھا گیا کہ وہ آئندہ ہفتہ قاہرہ کے سفر کے دوران یا پھر جون میں اپنی معیاد ختم ہونے سے قبل غزہ پٹی کا دورہ کرنا چاہیں گے تو ایران کے صدر نے کہا کہ میری خواہش اس سے بھی بڑی ہے میں فلسطین کی مکمل آزادی کے بعد یروشلم میں نماز پڑھنا چاہتا ہوں ۔ انہوں نے کہاکہ اگر وہ اس کی اجازت دے دیں تو میں غزہ جا کر لوگوں سے ملنا چاہتا ہوں حالانکہ احمدی نژاد نے یہ نہیں بتایا کہ انہیں غزہ جانے کیلئے کس کی اجازت کی ضرورت ہے ۔ ایران اسرائیل کو تسلیم نہیں کرتا۔ غزہ کی طرف جانے والے راستہ پر مصر کا کنٹرول ہے اور گذشتہ 6 مہینوں کے دوران قطر اور ملیشیا کے لیڈران مصر سے غزہ کا دورہ کر چکے ہیں ۔
Iranian President Mahmoud Ahmadinejad - on a historic visit to Egypt
کوئی تبصرے نہیں:
ایک تبصرہ شائع کریں