Maulana Fazlur Rehman criticized Tahirul Qadri
جمعیت علماء اسلام کے سربراہ مولانا فضل الرحمن نے اسلام میں حکومت اور طاہر القادری میں معاہدے پر تبصرہ کرتے ہوئے کہا ہے کہ ہیجان انگیز فتنہ ٹل گیا۔ انہوں نے کہاکہ کھودا پہاڑنکلا چوہا وہ بھی مرا ہوا۔ طاہر القادری دوغلی باتیں کر رہے ہیں بلٹ پروف کنٹینر میں بیٹھ کر سینے پر گولی کھانے کی بات نہیں کی جانی چاہئے ۔ سپریم کورٹ بھی چاہے تو الیکشن کمیشن کو تحلیل نہیں کر سکتی، کسی کی خواہش پر الیکشن کمیشن کو تحلیل کیا جاسکتا ہے ۔ گورنر راج لگنا پیپلز پارٹی کا مقصد ہے بلوچستان میں گورنر راج لگا کر سندھ اور خیبر پختو نخواہ کا کفارہ ادا کیا گیا۔ مولانا فضل الرحمن نے کہاکہ میں کسی بھی صورت میں تسلیم کرنے کو تیار نہیں ہوں کہ طاہر القادری کے پیچھے کوئی قوت نہیں ہے ؟ بلکہ اس کے پیچھے کون سی قوت ہے اس کے بارے میں سب کو معلوم ہے ۔ انہوں نے مزید کہاکہ ڈاکٹر طاہر القادری نے جتنے لوگ جمع کئے ہم اس سے کہیں زیادہ جمع کرنے کی صلاحیت رکھتے ہیں لیکن یہ مسائل کا حل نہیں ۔ کسی غیر آئینی قدم کی گنجائش ہے نہ کسی کو جمہوریت کو ڈی ریل کرنے کی اجازت دی جائے گی۔
کوئی تبصرے نہیں:
ایک تبصرہ شائع کریں