Egypt's President rejects idea of a theocracy
مصر میں اسلامی حکومت کا قیام خارج از امکان قراردیتے ہوئے مصری صدر نے کہاکہ اگرچہ ان کی سیاسی وابستگی اخوان المسلمون سے ہے لیکن وہ مصرکو ایک جدید جمہوری مملکت بنانے کا مصمم ارادہ رکھتے ہیں ۔ ایک جرمن اخبار کو انٹرویو دیتے ہوئے محمد مرسی نے کہا ہے کہ جب تک وہ صدر کے عہدہ پر براجمان ہیں ملک میں اسلامی حکومت کا قیام خارج ازامکان ہے ۔ واضح رہے کہ گذشتہ برس اپنے اخبارات میں اضافہ کا اعلامیہ جاری کرنے کی وجہہ سے مرسی کی نیت پر شک کیا جانے لگا تھا۔ محمد مرسی نے ایک سوال کے جواب میں اسرائیل کے ساتھ مصر کے امن معاہدے کے پاسداری پر بھی زوردیا اور مستقبل کی خارجہ پالیسی پر روشنی ڈالتے ہوئے کہاکہ وہ مصر اور مشرق وسطیٰ میں جرمنی کے وسیع تر کردار کی حمایت کے ساتھ ساتھ تمام ملکوں سے باہمی احترام پر مبنی متوازن تعلقات کے خواہاں ہیں ۔ سابق آمر حسنی مبارک کے طویل مطلق العنان عہد کے بعد پہلے منتخب مصری صدر محمد مرسی نے اس بات پر اصرار کیا کہ وہ بنیادی انسانی حقوق پر یقین رکھتے ہیں اور مصر کو ایک ایسا ملک دیکھنا چاہتے ہیں جہاں مذہب اور عقیدے سے بالاتر ہو کر تمام انسانوں کو یکساں حقوق حاصل ہوں ۔ جرمن روزنامہ فرانکفرٹ المگائنے سائٹنگ سے گفتگو میں مصری صدر محمد مرسی نے یہ اعراف کرتے ہوئے کہ ان کی سیاسی جڑیں اخوان المسلمون سے جا کر ملتی ہیں کہاکہ ہم ایسی شہری ریاست پر یقین رکھتے ہیں جہاں اقتدار کی منتقلی پرامن ہو اور جہاں جمہوریت اور آزادی بنیادی اقدار ہوں ۔
کوئی تبصرے نہیں:
ایک تبصرہ شائع کریں