ترقی پسندی جدیدیت اور مابعد جدیدیت - از گوپی چند نارنگ - پی۔ڈی۔ایف ڈاؤن لوڈ - Taemeer News | A Social Cultural & Literary Urdu Portal | Taemeernews.com

2022-06-18

ترقی پسندی جدیدیت اور مابعد جدیدیت - از گوپی چند نارنگ - پی۔ڈی۔ایف ڈاؤن لوڈ

taraqqi-pasandi-jadidiat-maabaad-jadidiat-gopichand-narang

گوپی چند نارنگ (پیدائش: 11/فروری 1931، ضلع دوکی، پاکستان - وفات: 15/جون 2022، امریکا)
عہد حاضر کے صف اول کے اردو نقاد، محقق اور ادیب رہے ہیں جو کچھ عرصہ قبل تک ہندوستان کے سب سے اہم ادبی ادارے ساہتیہ اکادمی کے صدر کے عہدے پر فائز تھے۔ اردو کے جلسوں اور مذاکروں میں شرکت کرنے کے لیے وہ ساری دنیا کا سفر کرتے رہے اور انہیں "سفیر اردو" کے طور پر بھی جانا جاتا ہے۔ جہاں انہیں ہندوستان میں پدم بھوشن کا خطاب ملا وہیں پاکستان میں متعدد انعامات اور اعزازات سے انہیں نوازا گیا۔
ان کی وفات پر انہیں خراج عقیدت کے بطور ان کے اہم مضامین پر مشتمل ان کی ایک اہم و ضخیم کتاب "ترقی پسندی جدیدیت اور مابعد جدیدیت" باذوق قارئین و محققین کی خدمت میں پیش ہے۔
کتاب کا ڈاؤن لوڈ لنک نیچے ہے۔


اس کتاب کے دیباچہ میں پروفیسر گوپی چند نارنگ لکھتے ہیں ۔۔۔

میرے منتخب تنقیدی مضامین کا یہ مجموعہ جناب اطہر عزیز ، مالک و مہتمم ایڈ شاٹ پبلی کیشنر ممبئی کی فرمائش پر تیار کیا گیا ہے۔ مضامین کا انتخاب بھی انھیں کے ایما سے کیا گیا ہے، وہ چاہتے تھے کہ ہر دور کے منتخب مضامین بہ یک نگاہ سامنے آ جائیں۔
مجھے اپنے ادبی سفر کی ارتقائی کڑیوں کا تو احساس ہے اور یہ کہ گذشتہ نصف صدی پر محیط میری سعی و جستجو کا مقصود کیا تھا، لیکن مجھے اپنے کام کے بارے میں کبھی کوئی خوش فہمی نہیں رہی، نہ ہی میں نے کبھی کوئی دعوی پیش کیا ہے۔


تحقیق کا خارزار ہو، لسانیات کا نشیب و فراز، تنقید کا دشت بے اماں ، یا مابعد جدیدیت کا فکری چیلنج ، میں نے کبھی کسی مقام کو منزل نہیں بنایا۔ میرے پڑھنے والوں کو اگر کہیں کوئی خوبی نظر آۓ تو وہ فضل رہی ہے اور قارئین کا حسن نظر۔ میں فقط اتنا جانتا ہوں کہ میں نے جو کچھ بھی لکھا، امکانی حد تک پورے اخلاص سے لکھا اور اس سب کا تعلق میرے باطن کی طلب و تجسس سے رہا ہے۔
ڈاکٹریٹ کے ساتھ ساتھ جب میں نے علمی دنیا میں قدم رکھا تو میرا ارادہ تنقید لکھنے کا نہیں تھا۔ نہیں کہہ سکتا کہ وہ ذہنی تحرک کا دباؤ تھا یا سوچ کا بہاؤ کہ میں برابر نئی راہوں پر گامزن رہا۔


ادب بہتا دریا ہے جو ہر لحظہ تغیر پذیر ہے، ادبی فکر کا ارتقا ہمیشہ جاری رہتا ہے، فقط پتھر نہیں بدلتے ، ادب میں فکر، رویے، رجحانات ہر شے بدل جاتی ہے، کوئی حساس ذہن اس سے بچ نہیں سکتا۔


بہرحال یہ انتخاب جو ہر چند کہ جامع نہیں ، پیش خدمت ہے۔ ' تذکرہ کے اوراق خود اطہر عزیز نے ترتیب دیے ہیں۔ اس میں بعض وہ مشہور مضامین شامل نہیں جنھیں ڈاکٹر شہزاد انجم نے "دیدہ ور نقاد" میں شامل کیا ہے۔


***
نام کتاب: ترقی پسندی جدیدیت اور مابعد جدیدیت
مصنف: پروفیسر گوپی چند نارنگ
ناشر: ایڈشاٹ پبلیکیشنز، بمبئی (سن اشاعت: 2004ء)
تعداد صفحات: 663
پی۔ڈی۔ایف فائل حجم: تقریباً 19 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Taraqqi Pasandi Jadidiyet Aur Maabaad Jadidiyet Gopichand Narang.pdf

Direct Download link:

GoogleDrive Download link:

فہرست
نمبر شمارعنوانقلمکارصفحہ نمبر
تذکرہ
1سخن در سخنخامہ بگوش (کراچی)11
2اداریہ 'دریافت'قمر جمیل (کراچی)16
3ڈاکٹر نارنگ اپنی پہلی تصنیف کی روشنی میںفرمان فتح پوری (کراچی)18
4کیا مابعد جدیدیت بائیں بازو کے ساتھ ہےانتظار حسین (لاہور)25
5میرا رقیب میرا دوستشمس الرحمٰن فاروقی (الہ آباد)30
6نارنگ - اہم نقادفضیل جعفری (ممبئی)35
7افسانے کی تنقید اور گوپی چند نارنگصادق (دہلی)55
8مستند و منفرد نقادقیصر تمکین (لندن)62
9علوم و فنون کا نادر خزینہ : گوپی چند نارنگمحمد ایوب واقف (ممبئی)65
10گوپی چند نارنگ اور اطلاقی تنقیدشبنم عشائی (کشمیر)78
11سچی تخلیق کے لیے اپنے ذہن و شعور ۔۔مشتاق صدف (دہلی)90
منتخب مضامینِ نارنگ
12ادبی تنقید اور اسلوبیاتنارنگ101
13اسلوبیاتِ انیسنارنگ118
14اسلوبیاتِ اقبالنارنگ141
15فیض کا جمالیاتی احساس اور معنیاتی نظامنارنگ161
16فیض کو کیسے نہ پڑھیںنارنگ195
17جمیل الدین عالی اور آٹھویں سُر کی جستجونارنگ208
18بانی : نئی غزل کا جوانا مرگ شاعرنارنگ231
19شہریار : نئی شاعری اور اسمِ اعظمنارنگ252
20محمد علوی کی شاعری اور احساس کا دوسرا پننارنگ266
21افتخار عارف : وہی پیاس ہے ۔۔۔نارنگ292
22افسانہ نگار پریم چندنارنگ312
23بیدی کے فن کی استعاراتی اور اساطیری جڑیںنارنگ334
24چند لمحے بیدی کی ایک کہانی کے ساتھ (ایک باپ بکاؤ ہے)نارنگ356
25منٹو کا متن : ممتا اور خالی سنسان ٹریننارنگ363
26بلونت سنگھ کا فننارنگ384
27انتظار حسین کا فن : متحرک ذہن کا سیال سفرنارنگ441
28اردو میں علامتی اور تجریدی افسانہ (بلراج مینرا اور سریندر پرکاش)نارنگ499
29نیا افسانہ : علامت ، تمثیل اور کہانی کا جوہرنارنگ514
30گلزار کی کہانیوں میں زندگی کی کتابنارنگ550
31مابعد جدیدیت عالمی تناظر میںنارنگ560
32ترقی پسندی، جدیدیت ، مابعد جدیدیتنارنگ578
33مابعد جدیدیت اردو کے تناظر میںنارنگ609
34فلسفۂ ادب کا ایک اہم مسئلہ تاریخیت اور نئی تاریخیتنارنگ616
35جدید نظم کی شعریات : کیا ادبی قدر بےتعلق معنی ہے؟نارنگ635
36کوائف.653


Taraqqi Pasandi, Jadidiat, Maabaa'd Jadidiat. Selected Essays of Gopi Chand Narang, pdf download.

کوئی تبصرے نہیں:

ایک تبصرہ شائع کریں