حیدرآباد شعر کے آئینہ میں - پی۔ڈی۔ایف ڈاؤن لوڈ

تعارف کتاب ٹی۔این۔بی

ہندوستان کے شہروں میں صرف حیدرآباد کو یہ فخر اور اعزاز حاصل ہے کہ اس شہر کی آب و ہوا، تہذیب و تاریخ کو مشاہیر نے نثر اور نظم دونوں میں خراج تحسین پیش کیا ہے۔ جواہر لال نہرو نے اس شہر کو ہندوستان کا دل کہا، راجہ جی اور راجندر پرشاد نے اسے شمال اور جنوب کا سنگم کہا۔ شاعروں نے بھی اس کی تحسین میں بڑے معرکتہ آراء اور یادگار شعر کہے ہیں۔ بانئ شہر محمد قلی قطب شاہ نے اس شہر کی خوشحالی اور ترقی کے لئے دعا مانگی تھی۔ قطب شاہی عہد میں فارسی میں کئی شعراء نے شعر کہے ہیں۔ اردو میں ولی دکنی ، غالب و ذوق اور داغ سے لے کر آج تک حیدرآباد کو شعری خراج تحسین پیش کیا گیا۔

جس طرح یہ بات مشہور ہے کہ جو حیدرآباد آتا ہے وہ یہیں کا ہو جاتا ہے یا اس شہر کا مداح اور اسیر ہو جاتا ہے، اسی طرح ہر بڑے شاعر نے حیدرآباد کو منظوم خراج پیش کیا۔ ہندوستان کے ممتاز شعراء ٹیگور اور سروجنی نائیڈو نے انگریزی میں ایک خاص انداز سے خراج تحسین پیش کیا ہے۔ اقبال نے حیدرآباد کو تاریخ کے پس منظر میں دیکھا ہے۔
حیدرآباد کی چار سو (400) سالہ تاریخ میں لکھے ہوئے اشعار حیدرآباد کا علمی ادبی اور تہذیبی خزانہ ہے۔ ہر شعر اپنی ایک تاریخ رکھتا اور عہد کی ترجمانی کرتا ہے۔ ان اشعار کا تحفظ ایک اہم تہذیبی اور ادبی ضرورت ہے۔ روزنامہ سیاست نے سنہ 1967ء میں ممتاز شاعر وقار خلیل سے خواہش کی تھی کہ وہ حیدرآباد پر اشعار جمع کریں۔ انہوں نے دو عشروں کے دوران چند اچھے اشعار جمع کئے، جو روزنامہ سیاست اور بعض رسائل میں شائع ہو چکے ہیں۔ اس طرح حیدرآباد کے اساتذہ سخن کے شعر ایک جگہ جمع ہو گئے ہیں جو ایک دستاویز کی حیثیت رکھتے ہیں۔ اس انتخاب میں ضیاء الدین شکیپ اور نورالدین صاحب نے بھی تعاون کیا ہے۔

اس انتخاب میں بعض نظمیں بھی شریک ہیں جو حیدرآباد کے سیاسی اور سماجی پس منظر سے ہیں جس میں جوش کی وہ نظم، جس پر وہ معتوب ہوئے ، شامل ہے۔ سکندر علی وحد ، امیر احمد خسرو اور کنول پرشاد کنول کی نظمیں حیدرآباد کی تہذیبی عظمت کی منظوم داستانیں ہیں۔ یقین ہے کہ حیدرآباد پر کہے ہوئے اشعار کو جو ہمارا ادبی و تہذیبی خزانہ ہیں، اسے نقاد، مورخ، دانشور، باذوق قارئین اور اہل حیدرآباد پسند فرمائیں گے۔

یادگار شعری کلام پر مبنی یہ مختصر کتابچہ حیدرآباد کی تاریخ و تہذیب میں دلچسپی رکھنے والے قارئین کی خدمت میں پیش ہے۔ تقریباً ستر (70) صفحات کی اس پی۔ڈی۔ایف فائل کا حجم صرف 2 میگابائٹس ہے۔
کتاب کا ڈاؤن لوڈ لنک نیچے درج ہے۔

***

نام کتاب: حیدرآباد: شعر کے آئینہ میں
مرتب: وقار خلیل (روزنامہ سیاست حیدرآباد)
ناشر: ادارہ روزنامہ سیاست (سن اشاعت: 1991ء)
تعداد صفحات: 66
پی۔ڈی۔ایف فائل حجم: تقریباً 2 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Hyderabad Sher Ke Aine Mein.pdf

Direct Download link:

GoogleDrive Download link:

فہرست
نمبر شمار	عنوان	تخلیق کار	صفحہ نمبر
الف	پیش لفظ	زاہد علی خاں	5
1	مناجات (نسبت تعمیر شہر حیدرآباد)	سلطان محمد قلی شاہ معانی	7
2	دکن سا نہیں ٹھار سنسار میں	ملا وجہی	8
3	نذر عبداللہ قطب شاہ (مثنوی کے منتخب اشعار)	ملا غواصی	9
4	منتخب اشعار	مرزا غالب	10
5	منتخب اشعار	میر محمد مومن، ولی دکنی، میر انیس، مظہر جانجاناں، حفیظ الدین، ذوق	12
6	بلدہ حیدرآباد	داغ دہلوی	13
7	دکن	منور لکھنوی، فراق لکھنوی	15
8	دکن	کنور مہندر سنگھ بیدی سحر	17
9	فردیات	جگن ناتھ آزاد	18
10	دکن کی شام	جگن ناتھ آزاد	19
11	اشعار	چندولال شاداں، امیر منائی، احمد حسین مائل، عزیز یار جنگ، فصاحت جنگ جلیل	20
12	اشعار	شبلی نعمانی، صفی اورنگ آبادی، یگانہ جنگیزی، حیرت بدایونی	21
13	قطعات	میر عثمان علی خاں (آصف سابع)	22
14	دکن	الطاف حسین حالی	23
15	نذرِ حیدرآباد	راگھویندر راؤ جذب	24
16	طلبائے عثمانیہ کالج کے نام	پروفیسر وحیدالدین سلیم	25
17	حیدرآباد اے نگار گل بداماں السلام	جوش ملیح آبادی	26
18	پیارے وطن کی جئے ہو	سکندر علی وجد	28
19	حیدرآباد	سکندر علی وجد	30
20	نیا پل اور شام	اکبر وفاقانی	31
21	حسین ساگر کی شام	بدر شکیب	32
22	گولکنڈہ	میر یسین علی خاں	33
23	چارمینار	حکیم یوسف حسین خاں	34
24	حدیثِ دکن	بشیر النسا بیگم بشیر	36
25	حیدرآباد کی جھلکیاں	کنول پرشاد کنول	37
26	شہر نگاراں	امیر احمد خسرو	38
27	حیدرآباد	شاہد صدیقی	41
28	دکن کا دلدادہ	فضل الرحمن	42
29	حیدرآباد	خورشید احمد جامی	43
30	اے مرے شہر کے لوگو	جہاندار افسر	44
31	دوہے	جمیل الدین عالی	46
32	حیدرآباد دکن	اطہر راز	47
33	اشعار	عزیز قیسی، اکبر حیدرآبادی، قمر ساحری، مسلم ضیائی، حسن چشتی، نامی کوہ سوار شاہ پوری، عشرت کرتپوری، صادق	48
34	سالار جنگ میوزیم	سکندر علی وجد	50
35	گولکنڈہ (طویل نظم کے چند شعر)	علامہ اقبال	51
36	دکن	اقبال	52
37	میرے شہر کے نغمے	سروجنی نائیڈو / کامل الحسن حبیب الحق	53
38	حسین ساگر	سروجنی نائیڈو / کامل الحسن حبیب الحق	55
39	حیدرآباد کی شام	سروجنی نائیڈو / شاذ تمکنت	57
40	حیدرآباد کے بازاروں میں	سروجنی نائیڈو / کامل الحسن حبیب الحق	58
41	بھاگ متی	مخدوم محی الدین	63

Hyderabad Sher Ke Aine Mein, published by Siasat Daily, Hyderabad. urdu pdf download.