آصف جاہ ثانی نواب میر نظام علی خاں صدیقی بہادر سابق ریاست حیدرآباد دکن کے پانچویں نظام رہے ہیں۔ ان کے عہد کے سیاسی سماجی اور اقتصادی حالات کا ریکارڈ آج بھی اسٹیٹ آرکائیوز کے دفتر میں دستاویزات، اسناد، یاداداشتوں اور اخبارات کی شکل میں محفوظ ہے، جو اولین ماخذ کی حیثیت رکھتے ہیں۔ ان سب کے ذریعے آصف جاہی سلطنت کے انتظام کو سمجھنے میں خاصی مدد ملتی ہے۔
جامعہ عثمانیہ کے شعبہ فارسی کی ریڈر ڈاکٹر زیب النسا حیدر نے دکن کے پانچویں نظام کے عہد کی ادبی اور تاریخی تحقیق پر کافی کام کیا ہے۔ اور اپنے انہیں تحقیقی مقالات کی اشاعت کو ایک مجموعۂ مضامین کے ذریعے عمل میں لایا۔ یہ کتاب "تاریخِ دکن کے چند گوشے (1347ء تا 1930ء)" دکن کی تاریخ و تہذیب سے دلچسپی رکھنے والے قارئین کے لیے یقیناً اہم اور یادگار ثابت ہوگی۔
تاریخ دکن میں دلچسپی رکھنے والے قارئین کی خدمت میں یہ نادر کتاب، تعمیرنیوز کے ذریعے پی۔ڈی۔ایف فائل کی شکل میں پیش ہے۔ تقریباً سوا سو صفحات کی اس پی۔ڈی۔ایف فائل کا حجم صرف 4 میگابائٹس ہے۔
کتاب کا ڈاؤن لوڈ لنک نیچے درج ہے۔
***
نام کتاب: تاریخِ دکن کے چند گوشے (تحقیقی مضامین)
تصنیف و ناشر: ڈاکٹر زیب النساء حیدر۔ سن اشاعت: 1993ء
تعداد صفحات: 128
پی۔ڈی۔ایف فائل حجم: تقریباً 4 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Tareekh E Deccan Ke Chand Goshe Zeb Haider.pdf
| فہرست | ||
|---|---|---|
| نمبر شمار | عنوان | صفحہ نمبر |
| الف | پیش لفظ (از: ضیا الدین شکیب) | 4 |
| ب | انتساب | 5 |
| ج | کچھ کتاب کے بارے میں (ڈاکٹر زیب النساء حیدر) | 6 |
| 1 | سلطنت بہمنیہ کا ایک درخشندہ ستارہ خواجہ محمود گاواں | 8 |
| 2 | قطب شاہی دور کے کتبات | 18 |
| 3 | دکنی مسکوکات | 33 |
| 4 | مسکوکات سلطنت خداداد - ٹیپو سلطان | 49 |
| 5 | عہد نواب میر نظام علی خاں کی سیاسی اقتصادی اور سماجی حالت - دفتر دارالانشا کی روشنی میں | 57 |
| 6 | آصفجاہ دوم کے دور کے اخبارات | 78 |
| 7 | دارالانشاء ایک تعارف | 85 |
| 8 | عنایت نامہ جات - نواب میر اکبر علی خاں بہادر آصف ثالث سکندر جاہ | 101 |
| 9 | سلطان العلوم کے فرامین کی روشنی میں تعلیمی امور | 109 |
| 10 | عہد آصف سابع میں تعلیم نسواں - لڑکیوں کے قدیم مدارس اور کالج | 123 |
کوئی تبصرے نہیں:
ایک تبصرہ شائع کریں