ھما ڈائجسٹ - آپ بیتی نمبر فروری-1979 - پی۔ڈی۔ایف ڈاؤن لوڈ - Taemeer News | A Social Cultural & Literary Urdu Portal | Taemeernews.com

2021-07-30

ھما ڈائجسٹ - آپ بیتی نمبر فروری-1979 - پی۔ڈی۔ایف ڈاؤن لوڈ

ھما کا شمار ہندوستان کے ان چند قدیم اور مقبول عام اردو ڈائجسٹوں میں ہوتا ہے جس نے ہر مزاج کے قارئین کے درمیان اپنی شناخت قائم کی ہے۔ 1964 میں اپنی اشاعت کا آغاز کرنے والا یہ ڈائجسٹ آج بھی جاری ہے۔ ماضی میں اس ڈائجسٹ نے متعدد منفرد و مفید موضوعات پر خاص نمبر شائع کیے تھے جن میں سے ایک خصوصی شمارہ فروری 1979ء میں "آپ بیتی نمبر" کے بطور شائع کیا گیا۔
برصغیر ہند و پاک کے علاوہ بعض دوسرے ممالک کی اہم شخصیات کی آپ بیتیاں اس نمبر میں شامل ہیں۔ یہ آپ بیتیاں زیادہ تر متعلقہ شخصیت کی خود نوشت سوانح حیات اور تقریروں سے ماخوذ ہیں اور بعض مستند ریکارڈوں کو سامنے رکھ کر ترتیب دی گئی ہیں۔ ان شخصیات میں جہاں بہادر شاہ ظفر، مہاتما گاندھی، محمد علی جناح، ابوالکلام آزاد، سرسید احمد خاں، جواہر لال نہرو، مولانا محمد علی جوہر، ذوالفقار علی بھٹو، مرارجی دیسائی، خان عبدالغفار خان شامل ہیں وہیں محمد علی کلے، کرنل قذافی، موشے دایان، انور سادات، یاسرعرفات، لیلی خالد، شاہ فیصل اور کرنل ناصر بھی موجود ہیں۔
آپ بیتی، سوانح حیات یا خودنوشت میں دلچسپی رکھنے والے قارئین کے لیے تعمیرنیوز کی جانب سے پی۔ڈی۔ایف فائل کی شکل میں "ھما" کا یہ خاص شمارہ پیش خدمت ہے۔ تقریباً تین سو صفحات کی اس پی۔ڈی۔ایف فائل کا حجم 19 میگابائٹس ہے۔
رسالہ کا ڈاؤن لوڈ لنک نیچے درج ہے۔


اس خصوصی شمارے کے اداریے (بعنوان: 151 ویں منزل) میں مدیر رسالہ لکھتے ہیں ۔۔۔

اردو ڈائجسٹ "ھما" کا سالنامہ 1979ء "آپ بیتی نمبر" کی شکل میں آپ کے ہاتھوں میں ہے۔ اپنی بساط اور وسائل کے مطابق بھرپور کوشش کی گئی ہے کہ برصغیر ہند و پاک کے علاوہ بعض دوسرے ممالک کی اہم شخصیتوں کی آپ بیتیاں بھی اس نمبر میں شامل ہوں۔ چنانچہ یہ آپ بیتیاں جو ہزاروں صفحات پر بکھری ہوئی تھیں ان میں سے خاص، اہم اور دلچسپ واقعات کا انتخاب اور تلخیص کر کے ہم نے اپنے ان محدود صفحات میں پیش کرنے کی کوشش کی ہے۔ جن شخصیتوں کی آپ بیتیان اس نمبر میں شامل ہیں وہ کسی نہ کسی اعتبار سے عالمی شہرت کی مالک ہیں۔ ان کے مطالعہ سے آپ کو مختلف قوم اور ملک سے تعلق رکھنے والے رہنماؤں، فنکاروں اور اہم شخصیتوں کے خیالات، نظریات، مشاغل اور دلچسپیوں کا پتا چل سکے گا۔ کچھ ایسے تاریخی حقائق بھی آپ کے سامنے آئیں گے جن پر اسرار کے پردے پڑے ہوئے تھے۔ اور بعض حیرت انگیز اور دلچسپ انکشافات سے آپ یقیناً چونک بھی اٹھیں گے۔


یہ آپ بیتیاں زیادہ تر متعلقہ شخصیت کی خودنوشت سوانح حیات اور تقریروں سے ماخوذ ہیں اور بعض مستند ریکارڈس کو سامنے رکھ کر ترتیب دی گئی ہیں۔ جس میں ہم نے اپنی طرف سے کسی قسم کی ترمیم یا اضافہ نہیں کیا ہے۔


ایک بات اور عرض کر دیں کہ ان آپ بیتیوں میں جن لوگوں نے اپنے خیالات اور نظریات پیش کیے ہیں، ان سے ہمیں کوئی بحث نہیں۔ یہ ان کے اپنے نظریات ہیں۔ ہم ان سے اتفاق یا اختلاف کیے بغیر جوں کی توں آپ کے سامنے پیش کر رہے ہیں۔ آپ خود اندازہ کریں گے کہ کس قدر جستجو اور چھان بین کے بعد ہم اس لائق ہو سکے ہیں کہ یہ ضخیم نمبر آپ کی خدمت میں پیش کریں۔ اردو میں اس سے پہلے کبھی ایک ساتھ ایسی آپ بیتیاں نہیں پیش کی گئی تھیں۔


- عبدالوحید صدیقی

***
نام رسالہ: ھما ڈائجسٹ دہلی - (آپ بیتی نمبر) فروری 1979
جلد: 15 ، شمارہ: 151 - مدیر: عبدالوحید صدیقی
تعداد صفحات: 325
پی۔ڈی۔ایف فائل حجم: تقریباً 19 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Huma Aap-Beeti Number_Feb-1979.pdf

Archive.org Download link:

GoogleDrive Download link:

فہرست
نمبر شمارعنوانتخلیق کارصفحہ نمبر
الفھما کے بال و پرفہرست3
باداریہعبدالوحید صدیقی (مدیر)7
1میرے شب و روزذوالفقار علی بھٹو8
2جب میں اسرائیلی جہاز کو ہائی جیک کرتے ہوئے گرفتار ہوئیلیلی خالد13
3میں نے غلاموں کو آزاد کرنے کا فرمان جاری کیاشاہ فیصل17
4میں وزارت کا کبھی بھوکا نہیں تھالیاقت علی خاں22
5میں نے سردار پٹیل کی غلامی قبول نہیں کیمرارجی دیسائی24
6فلسطین کی بازیابی کیونکر ہویاسرعرفات37
7ہم انقلاب کیوں اور کیسے لائے؟معمر قذافی42
8قاعد اعظم محمد علی جناحمحمد علی جناح48
9مولانا محمد علی جوہر کی کہانی خود ان کی زبانیمولانا محمد علی جوہر54
10اور فلسطین جل رہا تھاجارج حبش59
11جب میں موت کے منہ میں تھامحمد علی کلے64
12میں نے فوجی پیراہن جوتوں سے مسل کر رکھ دیاجمال عبدالناصر73
13مصدق جیسے باغی کو میں نے سولی پر نہیں چڑھایامحمد رضا پہلوی78
14عرب کیسے ہارے - اسرائیل کیونکر جیتاموشے دایان85
15پانچ پیر کی گائےمہاتما گاندھی118
16میں نے انگریزوں سے صلح کرنے سے انکار کر دیاخان عبدالغفار خان141
17اسٹالن پچیس لاکھ پارٹی ممبروں کا قاتل تھاخروشچیف146
18سر سید احمد خاںسر سید احمد خاں153
19پھر ایسی باتیں نہ سنیے گاغوث علی شاہ قلندر175
20وہ لمحے : جب میرے پیارے بیٹے کا کٹا ہوا سر مجھے پیش کیا گیابہادر شاہ ظفر195
21پوچھتے ہیں وہ کہ غالب کون ہے؟مرزا غالب207
22غدر کا زمانہڈپٹی نذیر احمد209
23قصہ ایک جن کانواب سرورالملک آغا مرزا دہلوی213
24فسانۂ عجائبرجب علی بیگ سرور220
25سلطنت آصفیہ کے دلچسپ واقعاتعبدالمجید قریشی221
26اردو زبان کی کہانی - بزرگوں کی زبانیمیرامن دہلوی226
27کوئے یار سے سوئے دار تکمولانا حسین احمد مدنی229
28مشرقی اور مغربی پاکستان کا اتحاد نظر فریب ہےمولانا ابوالکلام آزاد235
29میں بلندی سے گرتے گرتے بچاپنڈت جواہر لال نہرو245
30میں پاکستان کیوں گیا؟جوش ملیح آبادی253
31دیسی ریاستوں میں اندھیر نگریدیوان سنگھ مفتون265
32دربار قیصریریاض خیر آبادی274
33میری سرگزشتمیر تقی میر278
34نوابوں کے دربارہوش بلگرامی284
35بیس برس کی خفیہ ڈائریالبرٹ292
36مشہور شکاری ڈیوت کی آپ بیتیڈیوت300
37ہم اسرائیل سے لڑےانور سادات303
38دھماکہ (سیاسی فکشن : 13 ویں قسط)پال آر ڈی مین (تلخیص: کبیر کوثر)318


Huma Digest, Aap-Beeti special issue: Feb. 1979, pdf download.

کوئی تبصرے نہیں:

ایک تبصرہ شائع کریں