سال 2020 - کورونا وبا اور اردو شخصیات کا انتقال

ویب ڈیسک مکرم نیاز

یہ دنیا فانی ہے۔ جو آیا ہے اسے واپس بھی جانا ہے۔
مگر یہ سال 2020ء اس حوالے سے بھی افسوس ناک اور غمناک رہا کہ کورونا نامی وبا نے پوری دنیا کو سال کے آغاز سے ہی اپنی لپیٹ میں لے لیا اور لاتعداد نامور شخصیات لقمۂ اجل ہو گئیں۔
معروف جواں سال صحافی مہتاب عالم نے جب سوشل میڈیا پر اردو زبان و ادب کے حوالے سے امسال وفات پانے والی چند اہم شخصیات کا ذکر کیا تو شمس الرحمن علوی نے بھی اسی ضمن میں متعدد اسمائے گرامی سے آگاہ کیا۔
اسی ذیل میں راقم الحروف (مکرم نیاز) نے چند فیس بک گروپس کے ذریعے بھی معلومات حاصل کیں۔
ذیل کے جدول میں سال 2020ء میں فوت شدہ اردو شخصیات کی فہرست پیش ہے۔
اس ٹیبل کو مائکروسافٹ ایکسل فائل کی شکل میں بھی ڈاؤن لوڈ کیا جا سکتا ہے، جس کا لنک نیچے دیا گیا ہے۔

اس جدول میں ان ہندوستانی شخصیات کو شامل کیا گیا ہے جن کا تعلق کسی نہ کسی حوالے سے اردو زبان و ادب سے رہا ہے۔ پوری کوشش کی گئی ہے کہ امسال فوت شدہ ایسی تمام اہم اور نمایاں شخصیات کو اس ٹیبل میں شامل رکھا جائے، مگر پھر بھی اس فہرست کو حتمی قرار دینے میں ہمیں تامل ہے۔ ونیز یہ واضح رہے کہ اس فہرست کی شخصیات کی وفات کا تعلق کورونا وبا سے ہونا ضروری نہیں ہے۔
اس جدول میں شامل فوت شدگان کی تاریخ وفات زیادہ تر گوگل سرچنگ سے حاصل کی گئی ہے جس میں خطا کا امکان بھی ہے۔

اس فہرست کے علاوہ بھی چند مزید ایسی اہم اور نمایاں شخصیات ہیں جو اسی سال 2020ء میں ہم سے وداع ہو گئیں۔
جیسے مذہبی شخصیات میں ۔۔۔
عزیز الحق عمری، عبدالمنان سلفی، مولانا سلمان مظاہری، مولانا احمد سعید پالن پوری، مولانا متین الحق اسامہ قاسمی، مولانا سید ولی اللہ قاسمی، قاضی اعظم علی صوفی، مولانا سید کاظم پاشا قادری موسوی، مولانا محمد حسین ابوالحقانی، مولانا محمد نصیر الدین، قاضی محمد سمیع الدین، ڈاکٹر احمد اللہ بختیاری، مولانا کلب صادق اور سید افضل قادری۔

دیگر شعبۂ حیات سے ۔۔۔
خان محمد لطیف خان (روزنامہ منصف مدیر اعلیٰ)، عرفان خان (اداکار)، اشتیاق جعفری 'جگدیپ' (اداکار)، سروج خاں (کوریوگرافر)، احمد پٹیل (سیاستداں)، جسونت سنگھ (سیاستداں، مصنف)، خان اطہر (پلے بیک سنگر، حیدرآباد) اور سبحانی (اسٹیج کامیڈین، حیدرآباد)۔
اور پڑوسی ملک پاکستان سے ۔۔۔۔
مہ جبین قزلباش (گلوکارہ)، امان اللہ (اسٹیج/ٹی۔وی فنکار)، اطہر شاہ خان جیدی (فنکار، قلمکار)۔

اسی طرح۔۔۔ اردو زبان و ادب کے حوالے سے دیگر ممالک (بالخصوص پاکستان) کی شخصیات ۔۔۔
آصف فرخی، دوست محمد فیضی، طارق عزیز، ناصر زیدی، طاہر نقوی، ماہ طلعت زیدی، سلطان جمیل نسیم، پروفیسر عنایت علی خان، اطہر علی ہاشمی، اعجاز حسن قریشی، علامہ ضمیر اختر نقوی، علامہ طالب جوہری، مسعود مفتی، اشفاق سلیم مرزا، عرفان حسین، عبدالقادر حسن، عبدالحمید چھاپرا، ابولفرح ہمایوں، عزیز ظفر آزاد، قاضی رشید مسعود اور رشیدہ عیاں۔

سال 2020ء میں فوت شدہ :: اردو شخصیات
نمبر شمار	نام	فن	علاقہ	تاریخ
1	رؤف خلش	شاعر	حیدرآباد	2/جنوری
2	عبید صدیقی	ادیب، براڈکاسٹر	دہلی	9/جنوری
3	فاطمہ تاج	افسانہ نگار	حیدرآباد	19/جنوری
4	پروفیسر صاحب علی	درس و تدریس	ممبئی	24/جنوری
5	اجمل سلطان پوری	شاعر	سلطان پور	30/جنوری
6	ولی بستوی	شاعر، عالم دین	سہارنپور	26/فروری
7	وکیل احمد طاہر قادر آبادی	شاعر، معلم	اترپردیش	4/مارچ
8	ڈاکٹر لقمان سلفی	مفسر، عالم دین	بہار / سعودی عرب	5/مارچ
9	عبدالاحد ساز	شاعر	ممبئی	22/مارچ
10	شاہد بگھونوی	شاعر	سمستی پور	26/مارچ
11	محمد ضمیر الدین نظامی	خوش نویس، خطاط	حیدرآباد	31/مارچ
12	اسرار جامعی	مزاحیہ شاعر	دہلی	4/اپریل
13	انل ٹھکر	ادیب، ڈراما نگار	کرناٹک	4/اپریل
14	اعجاز قریشی	صحافی	حیدرآباد	20/اپریل
15	تسنیم انصاری برہان پوری	شاعر	برہان پور	30/اپریل
16	فاطمہ عالم علی	نثرنگار	حیدرآباد	4/مئی
17	رشید انصاری	صحافی	حیدرآباد	5/مئی
18	احمد عثمانی	ادیب، صحافی	مالیگاؤں	9/مئی
19	ہارون بی۔اے	ادیب، صحافی	مالیگاؤں	10/مئی
20	حسن عباس فطرت	ادیب، صحافی، عالم دین	پونے	21/مئی
21	مجتبیٰ حسین	مزاح نگار	حیدرآباد	27/مئی
22	پروفیسر ولی اختر ندوی	تدریس	دہلی	9/جون
23	گلزار دہلوی	شاعر	دہلی	12/جون
24	اختر جمال	شاعر	بھیونڈی	26/جون
25	کبیر اجمل	شاعر	بنارس	28/جون
26	اکرام باگ	افسانہ نگار	بیدر	2/جولائی
27	فراغ روہوی	شاعر	کولکاتا	13/جولائی
28	خورشید ہاشمی	صحافی	بہار	13/جولائی
29	رزاق اثر	شاعر، ادیب	گلبرگہ	17/جولائی
30	اسلم بقائی امروہوی	شاعر	امروہہ	17/جولائی
31	سردار انور	شاعر	سہارنپور	19/جولائی
32	کبیر احمد شکیل	شاعر	نظام آباد	20/جولائی
33	پروفیسر فیضان اللہ فاروقی	ادیب و محقق	دہلی	21/جولائی
34	شمس جالنوی	شاعر	جالنہ	21/جولائی
35	نصرت ظہیر	ادیب	سہارنپور	22/جولائی
36	کریم رضا مونگیری	صحافی	مغربی بنگال	25/جولائی
37	متین عمادی	شاعر	پٹنہ	27/جولائی
38	ڈاکٹر ضیاء الرحمن اعظمی	اسلامی اسکالر، محقق	اعظم گڑھ / سعودی عرب	30/جولائی
39	ڈاکٹر ارمان نجمی	شاعر	پٹنہ	30/جولائی
40	مولانا مقیم فیضی	اسلامی اسکالر، ادیب	ممبئی	2/اگست
41	پروفیسر افصح ظفر	ادیب و ناقد	گیا	3/اگست
42	سعدیہ دہلوی	صحافی، مدیر	دہلی	5/اگست
43	راحت اندوری	شاعر	اندور	11/اگست
44	پروفیسر سید فضل امام رضوی	ادیب، ناقد	لکھنؤ	13/اگست
45	ڈاکٹر اشرف جہاں	افسانہ نگار ، تدریس	پٹنہ	18/اگست
46	مرتضی ساحل تسلیمی	شاعر، ادیب، صحافی	رامپور	21/اگست
47	اشوک ساحل	شاعر	مظفرنگر	24/اگست
48	ڈاکٹر عبدالقادر شمس	صحافی	دہلی	25/اگست
49	حکیم اجمل خاں	سرپرست 'مجلہ اہلحدیث'	میوات، ہریانہ	7/ستمبر
50	پروفیسر شاداب رضی	تدریس	بھاگل پور	13/ستمبر
51	پروفیسر یسین مظہر صدیقی	اسکالر، مورخ	علی گڑھ	15/ستمبر
52	نشتر امروہوی	شاعر	امروہہ	16/ستمبر
53	سید شاہ حبیب الدین قادری	مدیر ماہنامہ تلنگانہ	حیدرآباد	22/ستمبر
54	اشفاق رہبر	شاعر	کڈپہ	25/ستمبر
55	عبدالغفار راہی	شاعر	ناندیڑ	3/اکتوبر
56	اعظم اثر	شاعر، ادیب	گلبرگہ	8/اکتوبر
57	مظفر حنفی	شاعر، ادیب	دہلی	10/اکتوبر
58	شکیل انوار صدیقی	ادب اطفال	مرادآباد	15/اکتوبر
59	ساحر شیوی	شاعر	ممبئی/انگلینڈ	17/اکتوبر
60	ڈاکٹر مینا نقوی	شاعرہ	مرادآباد	15/نومبر
61	ڈاکٹر وحید انجم	شاعر، ادیب	کلبرگی	25/نومبر
62	اعجاز مصور	شاعر، ادیب، مصور	گلبرگہ	26/نومبر
63	میر ابراہیم علی حامی	شاعر	حیدرآباد	29/نومبر
64	مختار شمیم	ادیب، محقق، ناقد	مدھیہ پردیش	2/دسمبر
65	ڈاکٹر حنیف ترین	شاعر، ادیب	سری نگر	3/دسمبر
66	رہبر جونپوری	شاعر	لکھنؤ	3/دسمبر
67	خواجہ محمد عارف الدین	تعلیم و تدریس	حیدرآباد	7/دسمبر
68	فاروق راہب	افسانہ نگار	بہار	21/دسمبر
69	رحیم حیدر	صحافی	حیدرآباد	23/دسمبر
70	شمس الرحمن فاروقی	شاعر، ادیب، ناقد	الہ آباد	25/دسمبر
71	عرش صہبائی	شاعر	جموں و کشمیر	25/دسمبر
72	حسن چشتی	شاعر و نثرنگار	حیدرآباد/شکاگو	25/دسمبر
73	کمال جائسی	شاعر / ناظم مشاعرہ	ممبئی	27/دسمبر
74	پروفیسر ظفر احمد صدیقی	درس و تدریس، محقق	علی گڑھ	29/دسمبر
75	پروفیسر فاران شکوہ یزدانی	تدریس	دربھنگہ	30/دسمبر

GoogleDrive Download link:

Noted Urdu writers and poets who passed away in 2020.