شکار - شکاریات پر نواب قطب یار جنگ کی اہم کتاب - تعارف کتاب

مولوی قطب الدین احمد صاحب المخاطب بہ قطب یار جنگ نے علیگڑھ کالج میں انگریزی تعلیم پائی اور الہ آباد یونیورسٹی سے 21 سال (1894ء) کی عمر میں گریجویشن کیا۔ انہیں تعلیم کے ساتھ اسپورٹس اور شکار کا شوق بھی تھا۔ اسی شکار کے شوق کے سبب دوران تعلیم کالج ہی میں سرسید کی خاص اجازت سے متعدد کتے اپنے ساتھ رکھا کرتے تھے۔ بعد از تعلیم ریاست حیدرآباد میں انہیں فوجی ملازمت حاصل ہوئی۔ پھر ریاست حیدرآباد کے دیگر محکمہ جات میں ان کا تقرر ہوتا رہا۔ ضلع آصف آباد پر بحیثیت اول تعلقدار ان کی تعیناتی ہونے پر انہوں نے مشہور رپورٹ "اصلاحات ضلع عادل آباد" مرتب فرمائی تھی جس کے بعد سررشتہ ترقیات عامہ کا قیام ہوا۔ جس زمانہ میں موسیٰ ندی کی طغیانی ہوئی تھی، اسی دور میں قطب الدین صاحب اسپیشل مجسٹریٹ مقرر کیے گئے تھے۔
ان کے کتب خانے میں گھوڑوں، مرغوں، کتوں اور شکار و بندوق کے متعلق بےشمار کتابیں موجود تھیں۔ ایک طرف سیدھے سادے جفاکش سپاہی تھے تو دوسری طرف ایسے عالم بھی جنہیں شعر و سخن سے دلچسپی تھی۔ اپنے فرزند سراج الدین احمد کی خواہش پر آخری عمر میں یہ کتاب لکھنی شروع کی مگر اس کی تکمیل کے بعد اپنی حیات میں اسے شائع نہ کروا سکے۔
1932ء میں ان کے انتقال کے بعد ان کے فرزند سراج الدین احمد نے یہ کتاب شائع کروائی تھی۔
اردو زبان میں غالباً یہ ایسی پہلی کتاب ہے جس میں شکار کے فن سے متعلق صحیح اور مستند معلومات کا ذخیرہ محفوظ کیا گیا ہے۔
تعمیرنیوز کے ذریعے اس دلچسپ، اہم اور تاریخی دستاویز کا تعارف پیش خدمت ہے۔

یہ بھی پڑھیے ۔۔۔
شکار بیتی - شکاریات پر 8 کہانیاں
شکاریات کے موضوع پر اردو کہانیوں کا بلاگ

اس کتاب/رسالہ کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

***
نام کتاب: شکار - شکاریات پر نواب قطب یار جنگ کی ایک اہم کتاب
تصنیف: نواب قطب یار جنگ
تعداد صفحات: 827
Shikaar_Nawab-Qutb-Yar-Jung

فہرست مضامین
نمبر شمار	عنوان	صفحہ نمبر
1	انتساب	4
2	فہرست مضامین	5
3	مختصر حالات زندگی نواب قطب یار جنگ مرحوم	8
4	قطعہ	24
5	صحت نامہ	26
6	دیباچہ	31
7	باب نشانہ اندازی	43
8	باب اول	115
9	بگ گیم	154
10	حصۂ دوم	331
11	باب اول : شیر کا بچپن	402
12	باب دوم : شیر کی جوانی	431
13	باب سوم : شیر کا بڑھاپا	511
14	شیر کو شکار کرنے کے طریقے	541
15	بور بچہ یا تیندوا یا گلدار	653
16	سور	760
17	گوری گائے یا بائسن	779
18	جنگلی بھینسا یا وائلڈ بفلو	793
19	ہاتھی اور گینڈا	802
20	شیر ببر	819