ان کی عمر 74 برس تھی، آج بروز جمعرات 6/اگست صبح فجر کے وقت نیند کی حالت میں وہ اس جہانِ فانی سے کوچ کر گئے۔ اطہر ہاشمی کے انتقال کی تصدیق ان کے بیٹے حماد علی ہاشمی نے ان کے ہی فیس بک اکاؤنٹ پر ایک پوسٹ کے ذریعے کی۔
اطہر علی ہاشمی کو نہ صرف اردو زبان و بیان پر مضبوط گرفت حاصل تھی بلکہ وہ عربی، فارسی، ہندی اور سنسکرت زبانوں پر بھی عبور رکھتے تھے۔
زبان کی اصلاح کےحوالے سے ان کا ہفتہ وار کالم بعنوان ''خبر ليجيے زباں بگڑی '' اردو کے عالمی منظرنامے پر بےانتہا مقبول تھا۔ ان کے کالم مختلف ممالک کےاخبارات شائع ہوتے رہے ہیں۔
وہ جدہ سے شائع ہونے والے پہلے اردو اخبار "اردو نیوز" کے بانیوں میں بھی شامل تھے۔ اس کے علاوہ وہ روزنامہ "امت" کے ڈپٹی ایڈیٹر انچیف بھی بنے، اور روزنامہ "جنگ" (لندن) سے بھی وابستہ رہے۔
مولانا عبدالمتین منیری اپنے تاثرات بیان کرتے ہوئے لکھتے ہیں:جنوری 2015ء سے آپ کے کالم ((خبر لیجے زباں بگڑی)) پر نظر پڑنے لگی، یہ ہمیں اتنا پسند آیا جتنا کسی زمانے میں مشفق خواجہ کا کالم سخن در سخن پسند آیا کرتا تھا،اور جس کا انتظار ہوا کرتا تھا،دونوں کا موضوع الگ تھا، لیکن بے ساختگی اور بانکپن میں مماثلت ضرور تھی، یہ ہماری خوش قسمتی تھی کہ ہمیں سوشل میڈیا کا دور ملا،ایمیل گروپوں ، فیس بک اور واٹس اپ پر ہم نے ان کی پوسٹنگ شروع کردی، اور پابندی سے ترسیل کا یہ سلسلہ جاری رہا۔ اس دوران ہم نے اس بات کا اہتمام کیا کہ قارئین کے تاثرات اور تبصروں کو جمع کرکے ہاشمی صاحب کو بھیجتے رہیں، ہاشمی صاحب ایمیل نہیں دیکھتے تھے، رابطہ کے لئے انہوں نے فرائیڈے اسپیشل کے جناب شکیل صاحب سے ملوادیا، جو موصولہ تبصروں کو ہاشمی صاحب تک پہنچاتے تھے۔ اس دوران فرائیڈے اسپیشل کی ویب سائٹس مشکلات سے دوچار رہی تو اہتمام سے اپنے دستیاب کالموں کی انپیج فائل بھجوادی۔ ان سے بات چیت کے بعد گزشتہ دو روز کے اندر ہم نے آپ کو کالموں پر موصولہ چھ تبصرے واٹس اپ سے بھیج دئے تھے، لیکن ان کا جواب کیا آتا؟ آپ کے اس دنیا سے اٹھ جانے کی خبرنے دلوں کو مغموم کردیا، انا للہ والیہ راجعون۔
| خبر لیجیے زباں بگڑی از اطہر علی ہاشمی :: فہرست | ||
|---|---|---|
| نمبر شمار | عنوان | ربط |
| 1 | گشت، مذکر یا مونث | Link |
| 2 | محاوروں کی دلچسپ کتاب | Link |
| 3 | معیاد یا میعاد؟ | Link |
| 4 | سیلابِ اشتیاق اور امیر خسرو | Link |
| 5 | ہمی سوگئے،اچھا کیا | Link |
| 6 | زبان کی نزاکتیں، لطافتیں | Link |
| 7 | جس کا کام اسی کو سانجھے | Link |
| 8 | قوس وقزح کے رنگ | Link |
| 9 | ٹڈی دل کا لشکر | Link |
| 10 | تار ۔ مذکر یا مونث؟ | Link |
| 11 | زبان کی کساد بازاری | Link |
| 12 | بے ڑا - اٹھانا ممکن نہیں | Link |
| 13 | نقص امن نہیں نقض امن | Link |
| 14 | بمعہ اہل و عیال کے ساتھ | Link |
| 15 | کھڑاووں کی تخریب کاری | Link |
| 16 | تبصَرہ یا تبصِرہ | Link |
| 17 | قرنطینہ کہاں سے آیا | Link |
| 18 | کے حوالے سے - غلط ہے | Link |
| 19 | کِلکل یا کَل کَل؟ | Link |
| 20 | بنات النعش کا ثریا سے عقد منسوخ | Link |
| 21 | خاصا خاصّہ | Link |
| 22 | سَیر، سیر اور سِیر | Link |
| 23 | پول کھلتی ہے یا کھلتا ہے؟ | Link |
| 24 | خط و کتابت اور پتہ | Link |
| 25 | یہ مشتری کون ہے؟ | Link |
| 26 | خواجہ سرا کی وبا | Link |
| 27 | بنگالی ’ج‘ کو ’ز ‘ سے بدل دیتے ہیں | Link |
| 28 | بھیڑ کا چھتہ | Link |
| 29 | جنگل میں منگل | Link |
| 30 | خود مختیاری | Link |
| 31 | دلی کی عدالت بمقابلہ اردو | Link |
| 32 | نیا کٹّا کھولنا | Link |
| 33 | ٹڈیوں کی کڑھائی | Link |
| 34 | پَل، پِل اور پُل | Link |
| 35 | سیاق و سباق سے ہٹ کر | Link |
| 36 | ہر ممالک لکھنا غلط ہے | Link |
| 37 | عربی کے تماشی کا تماشا | Link |
| 38 | بغیر حلوے کے پوری | Link |
| 39 | سہو کتابت | Link |
| 40 | خصم شوہر، یا دشمن | Link |
| 41 | چولہے پر چڑھی ہنڈیا، افروختہ | Link |
| 42 | لغت ،مذکر یا مونث؟ | Link |
Renown Urdu journalist and laureate Athar Ali Hashmi passes away
عہد حاضر میں لسانی طہارت و پاکیزگی کے لیے اطہر علی ہاشمی کا کردار ناقابلِ فراموش ہے۔ انھوں نے جس استقامت سے زبان و بیان کی درستی کے لیے قارئین کو متوجہ کیا، اس کی مثال اس مادی دور میں نہیں مل سکتی۔ اللّٰہ تعالیٰ ان کی مغفرت فرمائے، ان کے بعد یہ شعبہ دیر تک ایسے لسانی مجاہد سے محروم رہے گا۔
جواب دیںحذف کریں