صادقین نمبر - رسالہ طلوع افکار فروری 1992 - پی۔ڈی۔ایف ڈاؤن لوڈ

تعارف رسالہ ٹی۔این۔بی

صادقین (پ: 30/جون 1923 - امروہہ [اترپردیش] ، م: 10/فروری 1987 - کراچی)
اردو دنیا کے شہرۂ آفاق مصور، خطاط اور نقاش کی آج 33 ویں برسی ہے۔ سید صادقین احمد نقوی کی وجہ شہرت اسلامی خطاطی اور مصوری رہی۔ صادقین وہ فنکار ہیں جنہیں سب سے پہلے کلام غالب کو تصویری قالب میں ڈھالنے کا اعزاز حاصل ہے۔ صادقین کے فن پاروں کی پہلی نمائش 1954ء میں کوئٹہ (پاکستان) میں ہوئی تھی جس کے بعد فرانس، امریکہ، یورپ، مشرق وسطیٰ اور دنیا کے دیگر ملکوں میں بھی ایسی نمائشیں منعقد ہوئیں۔ صادقین کو پاکستان کے اعلی اعزاز 'ستارۂ امتیاز' سے 1985 میں نوازا گیا۔ انہیں فرانس، آسٹریلیا اور دیگر ملکوں کی حکومتوں کی جانب سے بھی اعزازات حاصل ہوئے۔
کراچی کے رسالے "طلوع افکار" نے اپنا فروری 1992 کا شمارہ "صادقین نمبر" کے بطور شائع کیا تھا جس میں نہایت متنوع و وقیع علمی و ادبی مضامین شامل کیے گئے ہیں۔
تعمیرنیوز کی جانب سے "صادقین نمبر" کے متذکرہ شمارے کی پی۔ڈی۔ایف فائل پیش خدمت ہے۔ 273 صفحات کی اس پی۔ڈی۔ایف فائل کا حجم تقریباً 15 میگابائٹس ہے۔
رسالہ کا ڈاؤن لوڈ لنک نیچے درج ہے۔

"صادقین نمبر" کے اداریہ میں مدیر مظہر جمیل لکھتے ہیں ۔۔۔ ۔۔۔

صادقین کثیر الجہت (Multi dimensional) شخصیت کے حامل فنکار تھے۔ ان کی خلاقی نے اپنے اظہار کے لیے مصوری، نقاشی، خطاطی اور شاعری کے وسیع تر ذرائع کو اختیار کیا تھا، انہوں نے جس پیرایۂ اظہار کو بھی ہاتھ لگایا اسے تنوع، وسعت اور گہرائی سے ہمکنار کر دیا۔ تجربہ، ایجاد، اختراع اور تازہ کاری نے ان کے فن کو وہ عظیم تابناکی اور اثر پذیری عطا کی ہے جو ان ہی سے مخصوص ہو کر رہ گئی ہے۔ ان کے مو قلم سے کھینچے ہوئے خطوط و نقوش ہوں یا ان کے کینوس پر بکھرے ہوئے رنگوں کی دھنک کہ ان کے قلم سے نکلے ہوئے شعری و نثری پیکر ۔۔۔ ان سب پر صرف اور صرف صادقین ہی کی چھاپ ہے۔ اور یہ تمام فنی میڈیم گھل مل کر اس عظیم شخصیت کی تکمیل کرتے نظر آتے ہیں جسے ہم صادقین کہتے ہیں۔
۔۔۔ صادقین ایسے فنکار قطعاً نہیں تھے جس نے محض اپنی انا کے غار میں بند ہو کر رنگوں اور خطوط کی آمیزش سے فقط ہئیت ہی کے تجربے کیے ہوں اور اپنے فن کو تجرید کے کسی ایسے کاخِ بلند پر رکھ چھوڑا ہو جہاں خاک نشینوں کا گزر ممکن ہی نہ ہو۔ بلکہ اس کے برعکس احوالِ واقعی تو یہ ہے کہ ان کی شخصیت ایک ایسے عوام دوست اور زندگی آموز جمالیاتی مزاج اور رویے سے مل کر بنی تھی جو ہمارے عظیم صوفیوں اور درویشوں کا طرۂ امتیاز رہا ہے۔ ان کے فن کی جڑیں زمین کی گہرائی میں پیوست رہی ہیں۔ وہ ایک حساس سماجی شعور اور گہری بصیرت کے حامل شخص تھے اور اسی لیے انہوں نے اپنے فن کو صرف صوری اجتہاد تک محدود نہ رکھا تھا بلکہ اسے معنویت کی وہ گہرائی بھی عطا کر رکھی تھی جو روحِ عصر اور شعور کی علامت بن کر ابھرتی ہے۔ ان کی مصوری کے مختلف ادوار اور پیٹرن جن میں انسانی خطوط اور اشکال نامانوس ہیولے سے نظر آنے لگتے ہیں دراصل اس روحانی کرب اور اذیت کی نشاندہی کرتے ہیں جن سے ان کا عہد اور معاشرہ گزر رہا ہے۔

***
نام رسالہ: صادقین نمبر، مجلہ طلوع افکار (کراچی) - فروری 1992
مدیران : حسین انجم، مظہر جمیل
تعداد صفحات: 273
پی۔ڈی۔ایف فائل حجم: تقریباً 15 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Sadequain Number_Tuloo-e-Afkar_Feb-1992.pdf

Archive.org Download link:

GoogleDrive Download link:

صادقین نمبر، مجلہ طلوع افکار (کراچی) :: فہرست
نمبر شمار	تخلیق	تخلیق کار	صفحہ نمبر
1	اداریہ : طلوع افکار	مظہر جمیل	7
2	صادقین - سرورق کی شخصیت : کوائف	ادارہ	9
3	تصاویر - خطاطی اور مصوری	ادارہ	15
نقدِ فن
4	صادقین - ایک صناع ایک مفکر	فیض احمد فیض	29
5	مصور ہندوستان بنام مصور پاکستان	ایم ایف حسین	41
6	سفیر محبت	علی سردار جعفری	42
7	صادقین - شاعر خطاط اور مصور	ڈاکٹر نثار احمد فاروقی	43
8	صادقین - یگانہ روزگار مصور	محمد علی صدیقی	47
9	صادقین کا ابتدائی دور	سید امجد علی / ریاض صدیقی	51
10	عالمی شہرت یافتہ خطاط اور مصور	ابرار کرتپوری	54
11	صادقین کے ساتھ ایک شام	فاروق جمال	56
نقدِ شعر
12	صادقین نقاش کی رباعیاں	سبط حسن	59
13	صادقین خطاطی اور غالب	مالک رام	63
14	صادقین اردو رباعی کا خیام	ڈاکٹر فرمان فتح پوری	71
15	صادقین کی شاعری	خاطر غزنوی	79
16	صادقین بحیثیت مرثیہ نگار	عظیم امروہوی	87
17	صادقین کی رباعیاں	ڈاکٹر شکیل نوازش رضا	98
18	رباعیاتِ صادقین	صادقین	103
طلسمِ ذات
19	صادقین کی انفرادیت	احمد ندیم قاسمی	113
20	ایک عہد ساز شخصیت	ہاشم رضا	118
21	صادقین - کچھ یادیں	نورالحسن جعفری	121
22	صادقین - ایک عجوبۂ روزگار	منیر احمد شیخ	135
23	صادقین - میری نظر میں	مجتبیٰ حسین	141
24	صادقین کی ان کہی کہانی	ڈاکٹر محمود الرحمٰن	149
25	صادقین	نصراللہ خان	152
26	صادقین کی محبوبہ	منو بھائی	154
27	زندۂ جاوید صادقین	مختار زمن	155
28	صادقین کا تصویری سماج	زاہدہ حنا	157
29	جو بند تھا بوتل میں	ڈاکٹر سلمان عباسی	160
30	صادقین آج کا پروموتھیوسس	شیخ عزیز	166
31	داتانگر سے	توصیف احمد خاں	168
32	چچاجان	سلطان احمد	171
33	صادقین اور سردار جعفری	ستارہ جعفری	176
34	صادقین درپردۂ راز	حسین امین	178
35	صادقین سے بات چیت	جاوید صدیق	182
36	صادقین اپنے گھر میں	مجاہد لکھنوی	186
37	صادقین کا نیا روپ	حسنین جاوید	193
38	نذرِ فنکار	رئیس امروہوی، راغب مرادآبادی، ساحر لکھنوی، محسن احسان، قدرت نقوی، حسین انجم، نجمہ خان، مسلم شمیم اور وقار فاروق	195
بقلم فنکار
39	ہندوستانی مصوری	صادقین	205
40	مقدمہ رباعیات صادقین	صادقین	215
41	خودنوشت	صادقین	229
42	سفرنامہ صادقین	صادقین	235
43	مکاتیب صادقین	صادقین	260
44	گیلری صادقین	ادارہ	273

Sadequain Number, Tuloo-e-Afkar magazine, Feb.1992, pdf download.