موبائل فون کے ضروری مسائل - طفیل احمد مصباحی - پی۔ڈی۔ایف ڈاؤن لوڈ

28/جون تعارف کتاب ٹی۔این۔بی

موبائل فون صنعتی انقلاب کا ایک حیرت انگیز نمونہ اور دورِ جدید کی ایک اہم سائنسی ایجاد ہے۔ موجودہ دور میں موبائل کی حکمرانی مسلم ہے اور اس کی سلطانی ظاہر و واضح ہے۔ موبائل نے بہت سارے دینی اور شرعی مسائل کے دروازے کھول دیے ہیں۔ پھر بھی اسلامی قوانین میں جدید مسائل و مشکلات کا حل موجود ہے اور یہ کتاب انہی مسائل کے حل کی طرف اشارہ کرتی ہے۔ کتاب و سنت لائبریری کے شکریے کے ساتھ پیش خدمت ہے۔ تقریباً دو سو صفحات کی اس پی۔ڈی۔ایف فائل کا حجم صرف 5 میگابائٹس ہے۔
کتاب کا ڈاؤن لوڈ لنک نیچے درج ہے۔

موبائل فون موجودہ دور کی ایک اہم ٹیکنالوجی اور ضرورت بن کر سامنے آیا ہے جس نے چند برسوں میں ہی انسانی زندگیوں پر اپنا تسلط یوں قائم کر لیا کہ ہر چھوٹے سے بڑے تک، خواتین سے مرد تک سبھی موبائل کے بغیر خود کو ادھورا محسوس کرتے ہیں۔ مگر یہ بھی ایک اٹل حقیقت ہے کہ ان نعمتوں کا غلط استعمال نوع انسانیت کے لیے مہلک نتائج دے رہا ہے۔ ایک مسلمان کو بحیثیت مسلمان جس طرح کسی بھی چیز کا استعمال اسلامی اصول و قوانین کی روشنی میں کرنا چاہیے اسی طرح موبائل کے استعمال کے لیے بھی اسلامی اصول وقوانین ان کے پیش نظر رہنے چاہییں۔
اس کتاب میں فاضل مصنف محمد طفیل احمد مصباحی (سب ایڈیٹر ماہنامہ اشرفیہ، اعظم گڑھ، یوپی، انڈیا) نے موبائل فون کے فوائد ونقصانات پر بھرپور روشنی ڈالی ہے اور اس کے استعمال کے دینی و شرعی آداب بڑی تفصیل سے بیان کیے ہیں ۔موبائل کال، موبائل میسج،آڈیو، ویڈیو، فوٹوگرافی ،ای میل،آن لائن خریدفروخت اور موبائل فون کے ذریعہ نکاح و طلاق وغیرہ موبائل کے جملہ گوشوں سےمتعلق مسائل بیان کیے ہیں تاکہ اسے شریعت کی حدود میں رہ کر استعمال کیا جائے ۔
فاضل مصنف نے جابجا قرآنی آیات، احادیث کریمہ اور فقہی عبارات کے حوالوں سے مزین کر کے کتاب کو قابل اعتماد بنادیا ہے خصوصاً موبائل فون کے صحیح استعمال پر زور دیاگیا ہے اور اس کے غلط اور ناجائز استعمال سے پرہیز کی پوری تلقین کی ہے ۔یہ کتاب موبائل اور ٹیلیفون سے متعلق ایک سو سے زائد جدید فقہی اور شرعی مسائل کاگراں قدرمجموعہ ہے۔

کتاب کی تقریظ ، یورپ اور ایشیا کے ایک مبلغ علامہ محمد فروغ القادری (ورلڈ اسلامک مشن، انگلینڈ) نے تحریر کی ہے۔ وہ لکھتے ہیں ۔۔۔

مجھے یہ جان کر بے حد مسرت ہوئی کہ جواں سال فاضل اور مایہ ناز قلم کار مولانا محمد طفیل احمد مصباحی، نائب مدیر ماہ نامہ "اشرفیہ" مبارک پور نے "موبائل فون کے ضروری مسائل" کے حوالے سے جدید رنگ و آہنگ میں شرعی بنیادوں پر ایک تفصیلی اور معلومات افزا کتاب مرتب فرمائی ہے۔ جو اپنے عناوین کے اعتبار سے حد درجہ مفید اور عصر حاضر کے متقاضیات کو اپنے دائرہ اثر میں سمیٹے ہوئے ہے۔
زیر نظر کتاب مولانا کی ایک عمدہ کاوش ہے۔ انھوں نے جن حساس موضوعات پر گفتگو کی ہے وہ یقینی طور پر قارئین کی معلومات میں گراں قدر اضافہ کرتی ہے۔ اس میں موبائل فون کے فوائد و نقصانات کا جس جامعیت کے ساتھ مسائل کا باضابطہ احاطہ کیا گیا ہے، بلاشبہ اپنے اندر ارباب علم و دانش کے لیے بھی دلچسپی کا سامان رکھتا ہے۔
مذکورہ کتاب میں جس پہلو سے مذہبی ترجیحات کو باضابطہ طور پر مدلل اور ذہن نشین کرنے کی کوشش کی گئی ہے، اس سے تصوراتی اور تجرباتی ہر دو لحاظ سے مصنف کتاب کے فلسفیانہ اور سائنٹفک (Scientific) تجزیے کا براہ راست اندازہ ہوتا ہے۔ اس میں قطعی دو رائے نہیں کہ جدید سائنسی تحقیقات نے مذہب کے تجرباتی اثبات کے لیے جو وسیع و عریض میدان فراہم کیے ہیں، زیر نظر کتاب میں اس نئے پیدا شده امکان کو منظم طور پر استعمال کرنے کی کوشش کی گئی ہے۔ یہ کتاب صرف معروضی مطالعہ (Objective Study) ہی پیش نہیں کرتی، بلکہ موضوعی اور داخلی اعتبار سے بھی اس کی معنویت و افادیت اپنی جگہ مسلم ہے۔

***
نام کتاب: موبائل فون کے ضروری مسائل
مصنف: محمد طفیل احمد مصباحی
تعداد صفحات: 191
پی۔ڈی۔ایف فائل حجم: تقریباً 5 میگابائٹس
ڈاؤن لوڈ تفصیلات کا صفحہ: (بشکریہ: کتاب و سنت لائبریری)
Mobile Phone ke zaruri masail.pdf

Direct Download link:

موبائل فون کے ضروری مسائل - از: طفیل احمد مصباحی :: اہم موضوعات
نمبر شمار	عنوان	صفحہ نمبر
1	کلمات تکریم: حضرت علامہ مفتی محمد مطیع الرحمن رضوی	.
2	تقریظ جلیل: حضرت علامہ فروغ القادری	.
3	تاثرات: حضرت مفتی ناصر حسین مصباحی	.
4	کتاب اور مصنف: حضرت مولانا مفتی ابرار احمد قادری مصباحی	.
5	عرض مصنف: محمد طفیل احمد مصباحی	.
6	موبائل ایک اہم سائنسی ایجاد	.
7	موبائل کی حکمرانی	.
8	قرآن سے موبائل کاثبوت	.
9	موبائل کے فوائد	.
10	موبائل کے نقصانات	.
11	موبائل کا وبال	.
12	موبائل کی تباہ کاریاں	.
13	موبائل کی ذہنی اور نفسیاتی بیماری	.
14	موبائل اور انٹرنیٹ استعمال کرنے والوں کی تعداد	.
15	موبائل - ضرورت یا فیشن	.
16	موبائل کی خرید و فروخت سے متعلق مسائل	.
17	موبائل خریدنا اور بیچنا جائز ہے	.
18	گارنٹی یا وارنٹی کی شرط کے ساتھ موبائل کی خرید و فروخت	.
19	نقد اور ادھار موبائل کی قیمت الگ الگ رکھنا	.
20	قسطوں پر موبائل بیچنے اور خریدنے کا حکم	.
21	سلم استصناع کے طور پر موبائل کی خرید و فروخت	.
22	ایک ہزار کا موبائل پانچ ہزار میں بیچنا	.
23	چرایا ہوا موبائل بیچنا اور خریدنا حرام ہے	.
24	موبائل کی تجارت اور مرمت متعلق اسلامی ہدایات	.
25	موبائل پر گفتگو کا اسلامی طریقہ	.
26	موبائل پر پہلے سلام کون کرے؟	.
27	موبائل کے سلام کا جواب واجب ہے	.
28	موبائل پر السلام علیکم کے بجائے ہیلو کہنا	.
29	موبائل سے غیر مسلم کو سلام کرنا	.
30	موبائل پر گفتگو کا انداز	.
31	موبائل پر اپنا تعارف کرانے کا غلط طریقہ	.
32	موبائل پر گفتگو کے مناسب اوقات	.
33	غور و فکر کا مقام !	.
34	مسلم عورتوں کے لیے موبائل کا استعمال	.
35	موبائل کی گھنٹی اور رنگ ٹون کیسا ہو؟	.
36	موبائل سے جاندار کی تصویر کشی کا حکم	.
37	موبائل سے غیر جاندار کی تصویر کشی کا حکم	.
38	موبائل کی اسکرین پر جاندار کی تصویر رکھنے کا حکم	.
39	موبائل میں محفوظ جاندار کی تصویر کے ساتھ نماز پڑھنے کا حکم	.
40	موبائل کی اسکرین پر اسلامی تصویریں رکھ کر بیت الخلا جانے کا حکم	.
41	موبائل کی اسکرین پر اسلامی تصویریں رکھنے کا حکم	.
42	موبائل میں کالر امیج کی سیٹنگ	.
43	موبائل سے گانا سنے کا حکم	.
44	موبائل اور ویڈیو گرافی	.
45	رنگ ٹون اور کالر ٹون میں گانے کی سیٹنگ	.
46	حمد و نعت اور اذان و سلام کی میوزک اور اس کی سیٹنگ	.
47	موبائل کی گھنٹی میں نعت اور اذان و سلام سیٹ کرنے کا حکم	.
48	ایک فقہی ضابطہ	.
49	موبائل پر جھوٹ، غیبت، چغلی اور گالی گلوج کا شرعی حکم	.
50	جھوٹ اور غیبت کی مذمت : قرآن و حدیث کی روشنی میں	.
51	موبائل اور اپریل فول	.
52	مسلمان اپریل فول کے بجائے 20/ اپریل منائیں	.
53	بلا اجازت موبائل کی گفتگو ٹیپ کرنا	.
54	موبائل کی گھنٹی اور مسجد کا ادب و احترام	.
55	مسجد کے پندرہ آداب	.
56	استنجا خانہ یا بیت الخلا میں موبائل سے گفتگو مکروہ ہے	.
57	موبائل کی اسکرین پر موجود تصویر اور نماز کی کراہت کا مسئلہ	.
58	موبائل پر گیم کھیلنے کا شرعی حکم	.
59	لہو و لعب کیا ہیں؟	.
60	موبائل پر ناجائز ویڈیو اور فلمیں دیکھنے کا شرعی حکم	.
61	بلوٹوتھ کے ذریعہ آڈیو ویڈیو بھیجنے کا حكم	.
62	موبائل پر قوالی سنے کا حکم	.
63	ایک شبہ کا ازالہ	.
64	ایک ضروری تنبیہ	.
65	موبائل پر کارٹون بنانے کا حکم	.
66	نماز کی حالت میں موبائل یا گھنٹی بند کرنے کا حکم	.
67	دوران نماز تین بار گھنٹی بند کرنے کا حکم	.
68	دوران نماز موبائل جیب سے نکال کر بند کرنے کا حکم	.
69	عمل قلیل اور عمل کثیر کی تعریف	.
70	موبائل کو آف یا سائیلنٹ کیے بغیر نماز پڑھنا	.
71	موبائل سے میسیج یا ایس ایم ایس بھیجنے کا حکم	.
72	میسیج کے ذریعہ کیے گئے سلام کے جواب کا حکم	.
73	میسیج کے ذریعہ نکاح کا مسئلہ	.
74	نکاح کے شرائط	.
75	ایک شبہ کا ازالہ	.
76	بذریعۂ میسیج نکاح ہونے کی صورت	.
77	تحریر و خط سے نکاح کا ثبوت	.
78	میسیج سے طلاق ہوگی یا نہیں؟	.
79	خط و کتابت سے طلاق کا ثبوت	.
80	موبائل کا میسیج بیوی تک نہ پہنچے تو طلاق ہوگی یا نہیں؟	.
81	موبائل کال سے نکاح کا شرعی حکم	.
82	موبائل کال سے نکاح درست ہونے کی پہلی صورت	.
83	موبائل کال سے نکاح درست ہونے کی دوسری صورت	.
84	موبائل کال سے طلاق کا شرعی حکم	.
85	میموری کارڈ میں قرآن شریف اور حمد و نعت کی ڈاؤن لوڈنگ	.
86	موبائل میں گانا اور فلم ڈاؤن لوڈ کرنے اور کرانے کا شرعی حکم	.
87	موبائل میں گانا فلم ڈاؤن لوڈنگ کے کاروبار کا حکم	.
88	گانا و فلم لوڈ کرنے کی اجرت کا شرعی حکم	.
89	ملٹی میڈیا موبائل کی ریپیرنگ اور اس کی اجرت کا حکم	.
90	موبائل سے قرآن کی سماعت اور سجدہ تلاوت کا مسئلہ	.
91	موبائل کال یا میسیج کے ذریعہ مرید ہونے کا حکم	.
92	پیر کے لیے شرائط	.
93	غائبانہ مرید ہونے کا ثبوت	.
94	مسجد کی بجلی سے موبائل چارج کرنے کا حکم	.
95	موبائل کے ذریعہ پنج وقتہ اذان دینا	.
96	ریچارج میں غلطی ہو جائے تو؟	.
97	غلطی سے موبائل میں آئے ہوئے بیلنس کاحکم	.
98	موبائل کے ذریعہ چاند کی گواہی کا شرعی حکم	.
99	موبائل کی خبروں سے استفاضۂ شرعی کا حکم	.
100	موبائل پر زکوۃ واجب ہے یا نہیں؟	.
101	موبائل کی تجارت اور کاروبار میں زکوة کا حکم	.
102	سونے اور چاندی کے نصاب کا موجودہ وزن	.
103	موبائل اور انٹرنیٹ	.
104	انٹرنیٹ کی مختصر تاریخ	.
105	موبائل میں قرآن شریف بھرنے اور چھونے وغیرہ کے احکام	.
106	انٹرنیٹ کے فوائد اور نقصانات	.
107	ای میل ( E-MAIL)	.
108	ورلڈ وائڈ ویب (WWW)	.
109	سرچ ایجن (Search Engine)	.
110	انٹرنیٹ ٹیلی فون	.
111	انٹرنیٹ چیٹ	.
112	انٹرنیٹ کامرس	.
113	انٹرنیٹ کی تعلیمی سرگرمیاں	.
114	انٹرنیٹ کا منفی پہلو	.
115	موبائل پر انٹرنیٹ کے شرعی احکام	.
116	پرسنل ویب سائٹ	.
117	سوشل نیٹ ورک اکاونٹ	.
118	موبائل کال، انٹرنیٹ اور میسیج کے ذریعہ خرید و فروخت کا حکم	.
119	ایک ضروری تنبیہ	.
120	موبائل اور فیس بک	.
121	فیس بک کیا ہے؟	.
122	فیس بک کا شرعی حکم	.
123	واٹس ایپ کا شرعی حکم	.
124	مصادر و مراجع	.

Rise and Fall of the Mughal Empire, (Urdu translation by Riyaz Ahmed Khan Sherwani) Author: Tripathi R P, pdf download.