ماہنامہ کھلونا دہلی - سالنامہ 1973 - پی۔ڈی۔ایف ڈاؤن لوڈ

19/جون تعارف رسالہ ٹی۔این۔بی

ادارہ "شمع" (نئی دہلی) کے رسائل میں جہاں فلمی و ادبی رسالہ "شمع" ، خواتین کا ماہنامہ "بانو" ، جاسوسی ادب کا نمائندہ رسالہ "مجرم" شامل تھے وہیں 1948 سے بچوں کے لیے ماہنامہ "کھلونا" بھی جاری کیا گیا تھا جس نے ادب اطفال کی ترویج کے میدان میں اپنی نمایاں شناخت قائم کی۔ اپنے دور کے مشہور و مقبول ادیب و شعرا نے "کھلونا" میں بچوں کے لیے بہت کچھ لکھا تھا۔
"کھلونا" کا ایک یادگار سالنامہ (فروری-1973) تعمیر نیوز کے ذریعے پیش خدمت ہے۔ 163 صفحات کی اس پی۔ڈی۔ایف فائل کا حجم تقریباً 8 میگابائٹس ہے۔
رسالہ کا ڈاؤن لوڈ لنک نیچے درج ہے۔

فروری 1973 کے کھلونا کے اس سالنامے میں جہاں اپنے دور کے مشہور و مقبول ادیب جیسے کرشن چندر، عصمت چغتائی، بلونت سنگھ، رام لعل، ہاجرہ نازلی، سراج انور، ابرار محسن، اظہار اثر، بشیشر پردیپ وغیرہ نے بچوں کے لیے دلچسپ کہانیاں لکھی ہیں وہیں احمد جمال پاشا اور کنہیا لال کپور جیسے نامور مزاح نگاروں کی مزیدار کہانیاں اور علامہ اقبال، سلام مچھلی شہری، حسرت جےپوری، شفیع الدین نیر، والی آسی کا شعری کلام بھی شامل ہے۔ اس کے علاوہ معروف ادیب خواجہ احمد عباس نے بچوں کے چاچا نہرو کے حوالے سے ان کی زندگی کا ایک یادگار واقعہ بھی کہانی کی شکل میں بیان کیا ہے۔

کھلونا کے اس سالنامے کے اداریے میں "اپنی باتیں" کے تحت لکھا گیا ہے ۔۔۔

دھنک کے ساتیں رنگ پھیل گئے ہیں. دور تک پھول ہی پھول کھلے ہوئے ہیں۔ آوازیں زندگی کی ساری دلکشی سمیٹے ابھر رہی ہیں۔
بہار آ گئی ہے!
چونکنے کی بات نہیں۔ بہار بےرُت کے بھی آتی ہے ، اس لیے کہ بہار باہر کی رنگا رنگ خوبصورتی کا ہی نہیں، دل کی رنگارنگ امنگوں کا نام بھی ہے۔
یہ سالنامہ آپ سب کے لیے (شایی آپ سے بھی زیادہ اپنے بچپن کی یادوں کو تازہ کرنے کے رسیا بڑوں کے لیے) ایسی ہی رنگارنگ امنگوں کے پھول لے کر آیا ہے۔ بہت دن تک یہ آپ کے دلوں میں نئے نئے ولولے جگائے گا ، نئی نئی سوجھ بوجھ عطا کرے گا۔
جی چاہتا ہے کہ اسی لمحے کسی طرح ہمیں معلوم ہو جائے کہ یہ ہہار آپ کو کیسی لگی ہے؟ لیکن ہمیں تھوڑے سے صبر سے کام لینا ہوگا۔ اطمینان سے اسے پڑھیے، اس لئے کہ "بڑے" یہ ہرگز نہیں چاہیں گے کہ آپ ہر وقت اس بہار میں کھوئے رہیں۔۔۔
اور پھر ہمیں لکھئے کہ اس بہار کے کون سے رنگ آپ کو اچھے لگے اور کون سے رنگ نہیں بھائے؟ آپ کی رائے ہمیں ہی نہیں، آپ کے لئے لکھنے والوں کو بھی بہتر رنگوں کی کھوج میں مدد اور رہنمائی ملے گی ۔۔۔ ہمیں آپ کے خط کا انتظار ہے۔

***
نام رسالہ: کھلونا - (سالنامہ) فروری 1973
مدیر: الیاس دہلوی (بانی: یوسف دہلوی مرحوم)
تعداد صفحات: 163
پی۔ڈی۔ایف فائل حجم: تقریباً 8 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Khilauna_Feb-1973.pdf

Direct Download link:

ماہنامہ 'کھلونا' - سالنامہ فروری 1973 :: فہرست
نمبر شمار	تخلیق	تخلیق کار	صفحہ نمبر
1	بچپن ۔۔ بچپن	کرشن چندر	13
2	جہاں تک ہو سکے نیکی کرو	علامہ اقبال	15
3	چاچا نہرو نے سینما دیکھا	خواجہ احمد عباس	17
4	رئیس اعظم	عصمت چغتائی	21
5	آؤ چلیں ماں (نظم)	سلام مچھلی شہری	25
6	ٹارزن	بلونت سنگھ	29
7	آسمان کے رنگ	واجدہ تبسم	33
8	پاس ہوئے (نظم)	حسرت جےپوری	37
9	کہانی کا ہیرو کون تھا؟	رام لعل	38
10	مشورہ	کنہیا لال کپور	43
11	حمد کا ترانہ (نظم)	محمد شفیع الدین نیر	46
12	چراغوں کی بستی	ابرار محسن	49
13	کھوٹا روپیہ	احمد جمال پاشا	55
14	محنت (نظم)	شوکت پردیسی	61
15	شرارت	بشیشر پردیپ	62
16	ورنہ اسی تنخواہ پر	غلام احمد فرقت	65
17	کتاب (نظم)	سعادت نظیر	69
18	گناہ گار کون؟	اطہر پرویز	71
19	اندھیر نگری	زہرہ جمال	73
20	تین جاسوس	سراج انور	77
21	ابا کی نقل	ادارہ	83
22	دوڑ	ادارہ	84
23	پاگل	ادارہ	88
24	سب اپنے بھائی ہیں (نظم)	کیف مرادآبادی	91
25	قصہ پیاس بجھانے کا	کوثر چاندپوری	94
26	انڈا جانچ کمیٹی	کے پی سکسینہ	99
27	بادشاہ سلامت	ہاجرہ نازلی	103
28	محنت	کیف احمد صدیقی	109
29	چور	م ندیم علیگ	110
30	ہاتھی سب کا ساتھی (نظم)	ساجد صدیقی	114
31	عزت ، ذلت	عمر عادل	117
32	خاموشی کی زبان	اظہار اثر	125
33	تین دیو	حامد رشید ٹونکی	131
34	سچائی کا جادو	سرجیت	139
35	سوال ، جواب (نظم)	جرم محمد آبادی	141
36	تاریخ پارے	مشتاق اعظمی	142
37	الٹا پانسہ	فرحت قمر	145
38	صبح کے بھولے	م۔ ع۔ غم	149
39	باجی پاجی (نظم)	والی آسی	153

Khilauna magazine Delhi, issue: Feb 1973, pdf download.