حیدرآباد اپل اسٹڈیم میں آئی پی ایل کرکٹ فائنل کا انعقاد خطرے میں

25/اپریل حیدرآباد رہنما نیوز بیورو

پیر کو شہر میں طوفانی ہواؤں نے حیدرآباد کے اپل اسٹیڈیم میں ساؤتھ اسٹانڈ کے سائبان کو شدید نقصان پہنچایا ہے۔ اس طرح اس اسٹڈیم میں 12/مئی کو طےشدہ 12-IPL کے فائنل کی میزبانی کی راہ میں اچانک کچھ مشکلات کھڑی ہو گئی ہیں۔ BCCI نے پیر 22/اپریل کو ہی اعلان کیا تھا کہ اب چنائی کے بجائے آئی پی ایل - 12 کا فائنل 12/مئی کو "راجیو گاندھی اسٹیڈیم" اپل میں منعقد کیا جائے گا۔ لیکن اس کے کچھ ہی گھنٹوں بعد شہر میں زبردست طوفان نے اسٹیڈیم کی جنوبی نشستوں کے سائبان کے ایک حصہ کو شدید نقصان پہنچایا ہے۔ اب حیدرآباد کرکٹ ایسوی ایشن اس غیر متوقع صورتحال سے نمٹنے میں کہاں تک کامیاب رہے گی یہ کجھ دنوں بعد ہی معلوم ہوگا۔ کیونکہ بی سی سی آئی کے عہدیداروں کو اسٹیڈیم میں ہوئے نقصانات کا جائزہ لے کر اسٹیڈیم کو 12 مئی کے فائنل کیلئے "فٹ" قرار دینے پر ہی فائنل کا انعقاد ہو سکتا ہے۔
اگرچیکہ HCA کے سی ای او کی پانڈو رنگا مورتی پرامید ہیں کہ 12 مئی کو فائنل اپل اسٹیڈیم میں ضرور منعقد ہوگا۔ لیکن اس کے لئے بعض تکنیکی مسائل کی یکسوئی ضروری ہوگی۔ HCA کو 29/اپریل کے دن ہی اسٹیڈیم کے "فٹ" ہونے کا ثبوت مل جائے گا۔ جب SRH اپل اسٹیڈیم میں پنجاب XI کے ساتھ اپنا آخری لیگ میچ رات آٹھ بچے کھیلے گا۔
اسٹیڈیم کے ایک بڑے حصہ پر سائبان موجود نہ ہونے سے 'فلڈ لائٹس' کا سایی گراؤنڈ پر پڑے گا اور اتنی کم مدت میں ساؤتھ اسٹانڈ پر نیا سائبان بھی ڈالا نہیں جا سکتا ہے۔ اس مسئلہ کا دوسرا حل یہ ہو سکتا ہے کہ اسٹانڈ پر سے پورا سائبان ہٹا دیا جائے۔ بہرحال 12 مئی کو حیدرآباد میں آئی پی ایل کے فائنل کا انعقاد 29 اپریل کو ہونے والے سن رائزرس اور پنجاب XI کے میچ پر منحصر ہے۔

IPL 2019: Gusty winds damage canopy at Hyderabad stadium
Strong winds that wreaked havoc in Hyderabad on Monday, 22 April night, blew away a major portion of the canopy at the Rajiv Gandhi Cricket Stadium, hours after the BCCI shifted IPL final from Chennai to the city.