Sri Sri Ravi Shankar's 'Art of Living' gets ISIS threat letters
آرٹ آف لیونگ نے ہفتہ کے روز دعویٰ کیا کہ اس کے بانی روی شنکر کوحالیہ ملیشیا دورہ کے دوران بین الاقوامی دہشت گرد گروپ داعش کی جانب سے جان سے مارنے کی دھمکی ملی ہے ۔ یہاں جاری ایک بیان میں اے او ایل نے کہا ’’تین دھمکی بھرے خطوط تین مختلف ایڈریس پر موصول ہوئے جو ملیشیا میں ہمارے ڈائریکٹر اور جس ہوٹل میں روی شنکر نے قیام کیا اس کے جنرل منیجر کے پتہ پر ملے ایک خط جس پر ایڈریس انگریزی اور عربی میں لکھا ہوا تھا کے مطابق’’ہم متنبہ کرتے ہیں کہ اگر ہندوستانی گروروی شنکر ملیشیا یا کسی دیگر مسلم ملک میں پاؤں پھیلاتے ہیں ان کے ساتھ ایسا ہوگا‘‘ اس میں ایک سر کٹے ہوئے انسان کی تصویر دکھائی گئی ہے ۔ کورئیر کے ذریعہ بھجوائے گئے مکتوب میں مزید لکھا ہوا ہے کہ ہم ایسے مختلف مقامات کو نشانہ بنائیں گے جہاں ان کی سر گرمیاں جاری ہوں اور ان کی وجہ سے ہزاروں انسان مارے جائیں گے ۔ اس خط میں روی شنکر پر ایران اور عراق کے اندرونی معاملات میں مداخلت کا الزام عائد کیا گیا ہے ۔اے او ایل نے بیان میں مزید کہا کہ ہم نے اس دھمکی کے تعلق سے ملیشیا میں ہندوستانی سفارت خانہ، مقامی عہدیداران اور پولیس کو مطلع کردیا ہے ۔
کوئی تبصرے نہیں:
ایک تبصرہ شائع کریں