Qatar assures US it is committed to fighting ISIS
قطر کے امیر نے امریکہ کے اپنے پہلے سرکاری دورے کے دوران صدر امریکہ بارک اوباما کو یقین دہانی کرائی ہے کہ ان کا ملک دولت اسلامیہ کو شکست دینے کے تئیں پرعزم ہے۔ اوباما نے کہا کہ شیخ تمیم بن حماد الثانی اسلامی انتہا پسندی کے خلاف لڑنے اور شام میں اعتدال پسند اپوزیشن کے ساتھ تعاون کرنے کے تئیں پرعزم ہیں ۔ قطر دولت اسلامیہ سے نبرد آزماامریکہ کی قیادت والے اتحاد کا حصہ ہے ۔ دولت اسلامیہ کا عراق اور شام کے ایک بڑے حصے پر قبضہ ہے ۔ اوباما نے اول آفس میں صحافیوں سے کہا کہ دونوں رہنماؤں کو شام کی صورتحال پر تشویش ہے اور دونوں نے شامی صدر بشار الاسد کو اقتدار سے بے دخل کرنے کے بارے میں تبادلہ خیال کیا ۔ اوباما نے مزید کہا کہ ہم یہاں اعتدال پسند اپوزیشن کی حمایت کرتے رہیں گے اور ہمارا اب بھی یہ خیال ہے کہ بشار الاسد کو جب تک اقتدار سے بے دخل نہیں کیاجاتا ملک میں استحکام ناممکن ہے ۔ اسد اقتدار میں رہنے کا جواز کھو چکے ہیں ۔ انہوں نے کہا کہ ہمیں وہاں کامیابی کیسے ملے گی یہ ایک بڑا چیلج ہے اور ہم نے اس کام کی تکمیل کے لئے خیالات کا تبادلہ خیال کیا ہے ۔ ماضی میں اس طرح کے شبہات ظاہر کئے گئے تھے کہ اس خطہ میں تشدد میں ملوث گروپوں کے لئے قطر نے رقم فراہم کی ہے۔ شیخ تمیم اور اوباما نے لیبیا اور یمن کے حالات پر بھی تبادلہ خیال کیا۔ قطر کے امیر نے کہا کہ اوباما نے ان سے کہا ہے کہ وہ اسرائیل اور فلسطین کے مابین امن کے عمل کے لئے عہد بند ہیں ۔ انہوں نے اوول آفس میں صحافیوں کے سامنے اوباما سے کہا کہ مجھے آپ سے یہ سن کر خوشی ہوئی ہے کہ آپ فلسطین میں امن کے عمل کے تئیں عہد بند ہیں۔
کوئی تبصرے نہیں:
ایک تبصرہ شائع کریں