پی ٹی آئی
پوپ فرانسیس اور ہندوستان کی ماتا امرت آنند مائی کے بشمول13عالمی مذہبی قائدین نے 2020ء تک موجودہ غلامی نظام کے خاتمہ کی مہم میں شریک ہونے کا اعلان کیا ہے۔ گلوبل فریڈم نٹ ورک سے جاری بیان میں وضاحت کی گئی ہے کہ13مذہبی عالمی قائدین کل ایک جوائنٹ ڈکلریشن پردستخط بھی کریں گے جو ماڈرن گلامی سے متعلق ہے ۔ ماڈرن غلامی کے تحت انسانی اسمگلنگ ، جبری محنت، عصمت فروشی کے علاوہ جسمانی اعضاء کی اسمگلنگ کے خلاف مہم چلائی جائے گی۔ معاہدہ کے مسودہ کے مطابق پوپ اور ماتا امرت آنند مائی کے علاوہ دیگر عالمی مذہبی قائدین بھی دستخط کریں گے جن میں ویتنام کے زین ماسٹر تھچ نات ، ارجینٹینا کے ربی ابراہم اسکور کا ، یونان کے ای ایم بارتھولو میو، عراق کے آیت اللہ محمد تقی المدرسی اور برطانیہ کے آرک بیشاپ آف کینٹری بری شامل ہیں۔ ہندو مذہب کی نمائندگی ہندوستان سے صرف ماتا امرت آنند مائی ہی کریں گی۔ جی ایف این عقائد و مذاہب پر مبنی ایک نٹ ورک ہے جو ساری دنیا میں انسانی اسمگلنگ کے علاوہ عصری غلامی کے خاتمہ سے متعلق حوصلہ مند ہے۔
eradicate modern slavery across the world by 2020
کوئی تبصرے نہیں:
ایک تبصرہ شائع کریں