مدینہ میونسپلٹی نے مسجد نبوی کے اطراف 500 عارضی دکانیں کھلوا دیں - Taemeer News | A Social Cultural & Literary Urdu Portal | Taemeernews.com

2014-09-21

مدینہ میونسپلٹی نے مسجد نبوی کے اطراف 500 عارضی دکانیں کھلوا دیں

مدینہ منورہ میونسپلٹی نے مسجد نبوی شریف سے متصل علاقے میں500سے زیادہ عارضی دکانیں عازمین حج کی سہولت کی خاطر کھلوادیں ۔ میئر ڈاکٹر خالد طاہر نے الحیاۃ اخبار سے گفتگو کرتے ہوئے کہا کہ مسجد نبوی شریف کے اطراف ریڑھی والوں اور بستے لگانے والوں کو سامان فروخت کرنے کا موقع اس وجہ سے دیا ہے تاکہ عازمین حج کو آسانی ہو اور انہیں مطلوبہ سامان خریدنے کے لئے اپنی رہائش سے دورنہ جانا پڑے ۔ علاوہ ازیں اس کا ایک مقصد یہ بھی ہے کہ قانون تجارت کی خلاف ورزی کرنے والے دکانداروں کا احتساب ہو ۔ ہرکس و ناکس کو عارضی دکان سجانے کی اجازت نہیں ہے ۔ اگر اجازت عام ہوجائے تو ایسی حالت میں مسجد نبوی شریف آنے جانے والے راستوں اور فٹ پاتھوں پرتل دھرنے کی جگہ باقی نہ رہے ۔ اس طرح زائرین کو آمد و رفت میں پریشانی ہوگی اور آسانی کے بجائے مشکلات سے دوچار ہونگے ۔ ڈاکٹر خالد طاہر نے یہ بھی کہا کہ15محرم تک عارضی دکانوں کا سلسلہ جاری رہے گا اس کے بعد ختم کردیاجائے گا۔ انہوں نے انتباہ دیا کہ میونسپلٹی کے انسپکٹر24گھنٹے ڈیوٹی پر ہیں ۔ انہوں نے اطمینان دلایا کہ ہمارے افسران اور اہلکار اپنے فرائض منصبی نیک نیتی کے ساتھ ادا کررہے ہیں۔

--

کوئی تبصرے نہیں:

ایک تبصرہ شائع کریں