مہاراشٹر میں مسلمانوں کو تحفظات فراہم کرنے رکن پارلیمنٹ کا مطالبہ - Taemeer News | A Social Cultural & Literary Urdu Portal | Taemeernews.com

2014-06-16

مہاراشٹر میں مسلمانوں کو تحفظات فراہم کرنے رکن پارلیمنٹ کا مطالبہ

ایک ایسے وقت جب کہ حکومت مہاراشٹر مراٹھوں کے لئے20فیصد رانے کوٹہ سے متعلق کمیٹی کی سفارشات کے بارے میں اپنے فیصلہ کااعلان کرنے والی ہے کانگریس رکن پارلیمنٹ حسین دلوائی نے آج ریاست میں مسلمانوں کے لئے تحفظات کی پرزور وکالت کی ۔ دلوائی نے ایک بیان میں کہا کہ صرف مسلمانوں کے مطالبات کو نظر انداز کرکے صرف مراٹھا فرقہ کو تحفظ فراہم کرنا حکومت مہاراشٹر کی غلطی ہوگی۔ مسلمانوں کی مالی اور تعلیمی حالت غریب مراٹھا سے بدتر ہے ۔ انہوں نے کہا کہ جب مراٹھوں کو تحفظات دیے جاسکتے ہیں تو مسلمانوں کو کیوں نہیں ؟ جو انتہائی ابتر زندگی جی رہے ہیں۔ راجیہ سبھا کے رکن پارلیمنٹ نے کہا کہ مسلمانوں کی حالت اس قدر خراب ہے کہ88فیصد مزدوروں کا تعلق مسلم فرقہ سے ہے ۔ انہوں ںیس وال کیا کہ سرکاری ملازمتوں میں مسلمانوں کا تناسب کیا ہے اور ان کی تعلیمی حالت کیسی ہے؟ پولیس انہیں کیوں ہراساں کرتی ہے ۔

Congress MP demands reservation for Muslims in Maharashtra

کوئی تبصرے نہیں:

ایک تبصرہ شائع کریں