In a bid to regain lost ground, Mulayam calls on ministers
لوک سبھا انتخابات میں ہوئی بدترین شکست کے بعد دوبارہ اپنا مقام بنانے کی کوشش کے طور پر سماج وادی پارٹی کے سربراہ ملائم سنگھ یادو نے آج یہاں اتر پردیش کے وزرا سے ملاقات کرتے ہوئے ان سے ضمنی انتخابات میں12اسمبلی حلقوں سے پارٹی کی کامیابی کو یقینی بنانے کی اپیل کی ہے ۔ میٹنگ میں شرکت کے بعد کابینی وزیر محمد اعظم خان نے میڈیا نمائندوں کو بتایا کہ انتخابات کا جائزہ لیا گیا ہے ۔ ہم تمام کارکنوں سے ضمنی انتخابات میں پارٹی کی کامیابی کو یقینی بنانے کے لئے کہا گیا ہے ۔ ریاست میں12حلقوں پر ضمنی انتخابات ہونے والے ہیں ، اپنا دل کا ایک اور بی جے پی کے11ایم ایل ایس لوک سبھا کے لئے منتخؓ ہوئے ہیں جس کے سبب یہ ان حلقوں پر انتخابات کروائے جائیں گے ۔ یہ بھی افواہیں گشت کررہی ہیں کہ بعض وزراء سے لوک سبھا انتخابات میں پارٹی کے ناقص مظاہرہ کے سبب مستعفیٰ ہونے کے لئے کہا گیا ہے تاہم اعظم خاں نے ان افواہوں کی تردید کرتے ہوئے کہا کہ استعفیٰ کی خبریں میڈیا سے مل رہی ہے ۔ اب میڈیا ہی فیصلہ کرے کہ کون مستعفی ہو۔ انہوں نے کہا کہ پارٹی سچائی کے لئے مقابلہ کرتی رہے گی ۔برسر اقتدار سماج وادی پارٹی اتر پردیش میں صرف پانچ لوک سبھا نشستوں پر کامیاب ہوسکی ہے ۔ ملائم سنگھ دو حلقوں مین پوری اور اعظم گڑھ سے ان کی بہو ڈمپل کنوج سے اور بھتیجے اکشے یادو اور دھرمیندر یادو بالترتیب سماج وادی پارٹی نے اپنی تمام ریاستی و ضلعی یونٹوں کو تحلیل کردیا۔ صرف ریاستی صدر اکھلیش یادو برقرار ہیں ۔2012کے اسمبلی انتخابات میں سماج وادی پارٹی نے403رکن ایوان کے220حلقوں سے کامیابی حاصل کی تھی۔
کوئی تبصرے نہیں:
ایک تبصرہ شائع کریں