Looking forward to working with Modi: Sharif
پاکستان کے وزیر اعظم نواز شریف نے اپنے ہندوستانی ہم منصب نریندر مودی کے نام موسومہ ایک خط میں ان کے ساتھ حالیہ ملاقات پر اطمینان کا اظہار کیا اور کہا کہ وہ خوشگوار طور پر مسائل حل کرنے کے لئے ان کے ساتھ کام کرنے کے منتظر ہیں ۔ نواز شریف 26مئی کو مودی کے حلف برداری تقریب میں شرکت کرنے والے پڑوسی ممالک کے قائدین میں شامل تھے ۔ انہوں نے وزیر اعظم کے دفتر کو موصولہ خط میں کہا کہ غریبوں کا مستقبل ہماری مشترکہ اقتصادی ترقی سے مربوط ہے ۔ شریف نے خط میں تحریر کیا کہ میں کہوں گا کہ باہمی اور علاقائی مسائل پر ہمارے درمیان خیالات کے بامعنی تبادلہ کے بعد اطمینان کے ساتھ ملک واپس ہوا ۔ واضح رہے کہ مودی نے اپنی حلف برداری تقریب کے ایک روز بعد اپنے پاکستانی ہم منصب سے ملاقات کے دوران دہشت گردی اور ممبئی دہشت گرد حملوں کے کیس کی پاکستان میں عاجلانہ سماعت سمیت اہم باہمی مسائل پر تبادلہ خیال کیا تھا ۔ شریف نے کہا کہ دونوں ممالک کے فائدہ کے لئے میں خوشگوار طور پر باہمی مسائل کی یکسوئی کا منتظر ہوں ، مجھے امید ہے کہ آپ کے اقدامات سے مزیدروشن مستقبل کی بنیاد قائم ہوگی۔ پاکستانی لیڈر کے خط کو ہند۔ پاک تعلقات میں ایک مثبت تبدیلی کے طور پر دیکھا جارہا ہے ۔ واضح رہے کہ خط قبضہ پر گزشتہ ایک سال کے دوران پاکستانی فوجیوں کے ہاتھوں ہندوستانی سپاہیوں کی ہلاکت سمیت دیگر واقعات کے سبب ہند۔ پاک تعلقات میں سرد مہری پیدا ہوئی تھی ۔ شریف نے خط میں مزید کہا ہے کہ دونوں ممالک میں زندگی گزارنے والے کروڑوں افراد ہماری اولین توجہ کے مستحق ہیں۔ میرا پکا یقین ہے کہ ہمارے ٹھوس اقدامات میں ہمارے دونوں ممالک کی بھلائی و خوشحالی مضمر ہے ۔
کوئی تبصرے نہیں:
ایک تبصرہ شائع کریں