یہ ادارہ 1964 میں قائم ہوا تھا اور اب تک نہ صرف بھوٹان ، نیپال ، سری لنکا ، بلکہ بھارت کے 15 ریاستوں سمیت ممبئی پولیس کے 40 ہزار ٹریفک پولیس والوں کو ٹریننگ دے چکا ہے۔ اس موقع پر ماریا نے 8 پولیس اہلکاروں، 5 ریٹائیرڈ پولیس افسران اور ان 5 عام شہریوں کی حوصلہ افزائی کی جو ممبئی شہر کی ٹریفک کو کنٹرول کرنے میں اپنا تعاون دیتے ہیں۔
ماریہ نے کہا کہ جب 1992 میں میں رائے گڈھ میں ایس پی تھا تو میرا تبادلہ ممبئی میں ٹریفک ڈپارٹمنٹ میں کر دیا گیا تھا ۔ اکتوبر 1992 میں مجھے جاپان کے ٹوکیومیں بھیج دیا گیا ، تا کہ میں تین ماہ طویل ٹریفک پولیس کی تربیت اور مینیجمنٹ کورس کر سکوں۔ ممبئی پولیس نے کہا کہ جب میں 1993 جنوری میں ممبئی لوٹ آیا تو شہر میں فسادات ہو گئے تھے اور دیگر حکام کی طرح مجھے شہر کے نظم و نسق درست کرنے میں لگا دیا گیا، اس وقت میرا دھیان ایک اسکوٹر کی طرف گیا اور ایک ٹریفک پولیس افسر کی وجہ سے میں ٹائیگر میمن کے گھر پہنچ گیا ۔ تبھی میرے سینئر افسران نے مجھے یہ کیس حل کرنے کو کہا اور ٹریفک پولیس کے 75 فی صد اہلکاروں کی مدد سے میں نےیہ کیس حل کر لیا ۔ انھوں نے کہا کہ شہر کے 50 فی صد مسائل حل ہو سکتے ہیں اگر شہر کی ٹریفک سے متعلق مسائل کو حل کر لیا جائے۔
--
کوئی تبصرے نہیں:
ایک تبصرہ شائع کریں