جنوبی کوریا - جہاز غرقاب - 2 مسافر ہلاک - 100 سے زائد لاپتہ

16/اپریل سیول رائٹر

جنوبی کوریا کے جیجو جزیرہ کے پاس 325 طلباء سمیت 477 افراد کو لے جانے والا ایک جہاز آج غرقاب ہو گیا جس کے 2 مسافر ہلاک اور 100 سے زائد لاپتہ ہو گئے ہیں ۔ جنوبی کوریا کے افسران نے بتایا کہ راحت بچاؤ مہم جاری ہے ۔ یون ہاپ نیوز ایجنسی نے بتایاکہ جہاز سے 368 مسافروں کو بچا لیا گیا ہے۔ حالانکہ بچائے گئے لوگو ں کے تعداد کی تصدیق نہیں ہو سکی ہے ۔ سول نامی اس جہاز نے صبح دسٹریس سگنل بھیجا جس کے بعد ساحلی دستے فوری طور پر حرکت میں آگئے۔ اور 18 ہیلی کاپٹر اور 34 کشتیاں فوری طور پر امدادی اور بچاؤ کام میں لگ گئیں ۔ یہ جہاز ایک طرف پوری طرح جھک گیا تھا جس سے اس پر سوار لوگوں میں دہشت پھیل گئی۔
6825 ٹن کا یہ جہاز کل شام مغربی بندرگاہ انچیون سے روانہ ہوا اور بیونگ پونگ جزیرہ سے 20 کلو میٹر دور یہ ڈوبنے لگا۔ اینسان میں ڈانون ہائی اسکول کے ایک افسر نے بتایا کہ جہاز میں سوار 338 طلبا اور اساتذہ کو بچا لیا گیا ہے لیکن بچاؤ مہم میں شامل ساحلی دستے یا دیگر افسران نے ابھی اس کی تصدیق نہیں کی ہے ۔ یہ طلباء اور اساتذہ جیجو کے سفر پر جا رہے تھے۔
ساحلی دستہ نے بتایا کہ اس حادثہ میں ایک شخص کی لاش بر آمد کی گئی ہے ۔ مو کپوہین کوک اسپتال کے ایک افسر نے بتایا کہ اس حادثہ میں زخمی ایک شخص نے ایمرجنسی وارڈ میں دم توڑ دیا۔ ایک افسر نے بتایا کہ راحت اور بچاؤ مہم میں 18 ہیلی کاپٹر اور بحریہ اور ساحلی دستون کے 34 جہازوں کو لگایا گیا ہے ۔ اس جہاز کی صلاحیت 900 لوگوں کو لے جانے کی ہے۔
جہاز پر سوار ایک مسافر نے وائی ٹی این ٹیلی ویژن کو بتایا کہ ڈسٹریس سگنل بھیجے جانے کو فورا" بعد پہلا راحت اور بچاؤ ہیلی کاپٹر جہاز پر پہنچا ۔ قبل ازیں حفاظتی اور عوامی انتظامیہ کے نائب وزیر لی جیونگ اونگ نے یہاں ایک پریس بریفنگ میں بتایا کہ اب تک 161 لوگوں کو بچا لیا گیا ہے ۔ انہوں نے بتایا کہ بچاؤ مہم میں تجارتی جہاز کو بھی لگایا گیا ہے ۔ انہوں نے بتایا کہ جہاز تقریبا" پوری طرح ڈوب چکا ہے ، اب تک کسی نقصان کی اطلاع نہیں تھی لیکن ساحلی دستوں نے بعد میں بتایاکہ اس حادثے میں ایک شخص کی موت ہو چکی ہے۔

South Korea ferry: Hundreds missing as ship sinks