Modi & Trinamool Congress targets each other
نریندر مودی کو گجرات کا قصاب قرار دینے کے ایک دن بعد ترنمول کانگریس نے آج مطالبہ کیاکہ چیف منسٹر گجرات کو ممتا بنرجی کی تصاویر کے فروخت پر سوال اٹھانے کے سلسلہ میں برسر عام معذرت خواہی کرنی ہوگی یا پھر ہتک عزت مقدمہ کا سامنا کرنا ہوگا۔ ترنمول کانگریس کے جنرل سیکریٹری مکل رائے نے یہاں نامہ نگاروں کو بتایاکہ انہیں اپنے الزامات ثابت کرنےہوں گے یا پھر برسر عام معذرت خواہی کرنی ہوگی ورنہ ہم ان کے خلاف ہتک عزت کا مقدمہ دائر کریں گیں۔ مودی نےکل سری رام پور میں ایک ریلی سے خطاب کرتے ہوئے کہا تھا کہ " آپ (ممتا) کی پینٹنگس 4 لاکھ ، 8 لاکھ یا 15 لاکھ میں فروخت ہوتی تھیں لیکن کیا وجہ ہے کہ آپ کی ایک پینٹنگ 1 کروڑ 80 لاکھ میں فروخت ہوئی ؟؟ ۔ میں فن کا احترام کرتا ہوں لیکن آخر ایسا کون ہے جس نے آپ کی پینٹنگ 1 کروڑ 80 لاکھ میں خریدی ہے۔" مودی نے کہا تھا " بنگال کے عوام جاننا چاہتے ہیں کہ کن لوگوں نے آپ کی تصاویر خریدی ہیں اور انھوں نے کتنے میں یہ تصویر خریدی ہے ؟ آخر اچانک انھیں آپ کی صلاحیتوں کا ادراک کیسے ہوگیا۔ “ مکل رائے نے کہاکہ پارٹی نے الیکشن کمیشن کو ایک مکتوب روانہ کرتے ہوئے شکایت کی ہےکہ ایسے بے بنیاد الزامات مثالی ضابطہ اخلاق کے خلاف ورزی ہیں ۔ انھوں نے کہا کہ ایک ایسا شخص جس کےہاتھ گجرات فسادات کے خون میں رنگے ہوئے ہیں ، ہمارے قائد کی دیانت داری پر شک کررہا ہے اور شخصی حملے کر رہا ہے۔ ریاستی وزیر فینانس امیت متر ا نے کہاکہ پینٹنگس کی فروخت سے حاصل ہونے والی تمام رقم یا تو فلاحی کامقاصد کے لئے استعمال کی گئی یا پھر پارٹی کے ترجمان " جاگو بنگلہ " کو فنڈس فراہم کرنے استعمال کی گئی تھیں۔ انھوں نے کہا کہ مودی نے بہت ہی نچلی سطح کا شخصی حملہ کیا ہے۔
کوئی تبصرے نہیں:
ایک تبصرہ شائع کریں