Russia told US it would respect Ukraine's sovereignty
امریکہ نے یوکرین کے جزیرہ نما کریمیا میں پیدا ہونے والے تشویشناک حالات کے پس منظر میں روس سے یوکرین کی سالمیت اور اقتدار اعلیٰ کا احترام کرنے کی اپیل کی ہے۔ واضح رہے کہ اس علاقہ میں روسی زبان بولنے والوں کی اکثریت ہے اور امریکہ سمجھتا ہے کہ اس پر روس کی نظر ہے۔ امریکی صدر کے دفتر کے ترجمان جے کارنی نے کل یہاں ایک معمول کی پریس کانفرنس میں کہاکہ ہم یوکرین کے اقتدار اعلی اور سالمیت کا بھرپور احترام کرتے ہیں اور چاہتے ہیں کہ دوسرے لوگ بھی ایسا ہی کریں۔ واضح رہے کہ یوکرین کی خودمختار جمہوریہ کریمیا میں سکیورٹی عہدیداروں کو اس وقت چوکس کردیاگیا تھا جب بعض مسلح افراد نے مقامی حکومت اور پارلیمنٹ کی عمارت پر قبضہ کرلیا تھا۔ دوسری جانب یوکرین کی قائم مقام صدر الیکزینڈر ترچی نوف نے بھی انتباہ دیا ہے کہ کریمیا میں واقع روس کی طرف سے ہونے والی بحرہ اسود پر کسی بھی قسم کی فوجی سرگرمی کو اشتعال کے مترادف سمجھا جائے گا۔ کارنی نے کہاکہ امریکہ نے یوکرین کی سرحدوں کے قریب روس کی فوجی نقل و حرکت پر گہری نظر رکھی ہوئی ہے۔ کارنی نے مزید کہاکہ ہم امید کرتے ہیں کہ روس اپنی فوجی سرگرمیوں کے تعلق سے شفافیت کا مظاہرہ کرے گا اور کسی قسم کی پر اشتعال کارروائی سے بازرہے گا۔ علاوہ ازیں امریکی وزیر خارجہ جان کیری نے کل اپنے روسی ہم منصب سے فون پر بات کی۔ بعدازاں انہوں نے کہاکہ انہیں روس نے یقین دہانی کرائی ہے کہ وہ یوکرین کی خود مختاری کا مکمل احترام کرے گا۔
کوئی تبصرے نہیں:
ایک تبصرہ شائع کریں