شاہ عبداللہ نے پرنس مقرن کو نائب ولی عہد مقرر کیا

27/مارچ ریاض سعودی پریس ایجنسی

خادم حرمین شریفین شاہ عبداللہ بن عبدالعزیز نے شاہی فرمان جاری کرتے ہوئے شہزادہ مقرن بن عبدالعزیز کو نائب ولی عہد مقرر کر دیا ہے۔ سعودی خبر رساں ایجنسی کے بموجب جمعرات 27/ مارچ کی شام ایوان شاہی سے جاری ہونے والے بیان میں تمام شاہی خاندان اور مملکت کے عمائدین کو حکم نامہ سے مطلع کر دیا گیا ہے جس کا اطلاق بھی ہو چکا ہے۔ واضح رہے کہ ولی عہد مملکت شہزادہ سلمان بن عبدالعزیز ہیں اور شہزادہ مقرن اب ان کے نائب کی حیثیت سے حلف اٹھائیں گے۔ جبکہ ان کے پاس پہلے سے نائب وزیر اعظم دوم کا عہدہ بھی موجود ہے۔ دریں اثنا شہزادہ مقرن مملکت کے انٹلیجنس چیف کی حیثیت سے بھی فرائض انجام دے چکے ہیں۔

King Abdullah names Muqrin as Saudi deputy crown prince