جہانگیر یونیورسٹی بنگلہ دیش میں خاتون وائس چانسلر کا تقرر

2/مارچ ڈھاکہ پی۔ٹی۔آئی

بنگلہ دیش حکومت نے پہلی بار اہم سرکاری یونیورسٹی میں وائس چانسلر کے عہدہ پر ایک خاتون کا تقرر عمل میں لایا ہے۔ یہ قدم درحقیقت ملک میں خواتین کو بااختیار بنانے کی مہم کا ایک حصہ ہے۔ جہاں 1991ء سے 2خواتین باری باری حکومت کی باگ دوڑ سنبھال رہی ہیں۔ قصر صدارت بنگو بھون کے ترجمان نے بتایاکہ صدر عبدالحمید نے پروفیسر فرزانہ اسلام کو جہانگیر یونیورسٹی کا وائس چانسلر مقرر کرنے سے متعلق فائل پر دستخط کردئیے ہیں۔ پروفیسر فرزانہ سابق وائس چانسلر ڈاکٹر انور حسین کی جانشین ہوں گی جو جنوری میں ٹیچرس کی ایک تحریک کے زیر دباؤ جنوری میں عہدہ سے دستبردار ہوگئے تھے۔

Bangla appoints 1st woman vice-chancellor in public university