Indians in Saudi Arabia warned by Embassy
ہندوستان نے سعودی عرب میں مقیم اپنے شہریوں کو خبردار کیا ہے کہ وہ ہندوستانی خاتون ورکرس کو ہڑتال پر جانے کیلے اکسانے کی کوشش کرنے والے خود ساختہ سماجی کارکنوں سے چوکس رہیں۔ ریاض میں ہندوستانی سفارت خانہ نے کہاکہ غیر سماجی عناصر اور غیر قانونی ایجنٹ کی اس طرح کی سرگرمیوں سے سعودی عرب میں ہندوستانیوں کا وقار متاثر ہوگا۔ سفارتخانہ کے مطابق یہ وہی گروپ ہے جو غیر قانونی ایجنٹس پر مشتمل ہے اور جو قبل ازیں ہندوستانی ورکرس کو منفی بیانات دینے کیلئے اکسایا تھا اور اسے سوشل میڈیا پر اپ لوڈ کیا تھا۔ سفارتخانہ سعودی عرب میں مقام ہندوستانی شہریوں کو شر پسند عناصر سے چوکس رہنے کا مشورہ دیتا ہے۔ یہ بات ذہن میں رہنی چاہئے ہم دیار غیر میں مقیم ہیں اور ہمیں سعودی عرب کے اصول و ضوابط کو ملحوظ رکھنا چاہئے اور ہمیں وہاں کے قوانین کا لحاظ بھی کرنا ضروری ہے۔ انہوں نے کہاکہ اگر کوئی سعودی قوانین کی خلاف ورزی یا ہڑتال جیسی سرگرمیوں میں ملوث پایا گیا تو اسے جرمانہ، سزا ہوگی اور حاکم کی جانب سے ملک بدر کردیا جائے گا۔ انہوں نے مملکت میں مقیم ہندوستانیوں پر زور یاکہ وہ قوانین کی خلاف ورزی نہ کریں۔ یہ بیان سفارتخانہ کی جانب سے ایسے وقت دیا گیا جب سعودی عرب میں صفائی کا کام انجام دینے والی خواتین ہڑتال پر چلی گئی تھیں اورالزام عائد کیا تھا کہ آجر ہندوستانی ورکرس کے ساتھ امتیازی برتاؤ اپنائے ہوئے ہیں اور پچھلے 9ماہ سے تنحواہ ادا نہیں کررہے ہیں۔ ان تمام خواتین کا تعلق کیرالا سے ہے اور یہ ایک کمپنی میں کنٹراکٹ پر ملازم ہیں جو ریاض میں ہاسپٹل کی صفائی کیلئے مامور کئے گئے ہیں۔ سفارتخانہ نے بتایاکہ جہاں تک خاتون ورکرس کا معاملہ ہے سفارتخانہ ورکرس کے ساتھ رابطہ بنائے ہوئے ہے۔ انہوں نے کہاکہ سفارتخانہ ترجیحی بنیادوں پر اس کیس سے نمٹے گا۔
کوئی تبصرے نہیں:
ایک تبصرہ شائع کریں