آج انتہائی مصروف ترین دن گزارا۔رات دیرگئے تک اپنے حامی وزراء اوردوسرے قائدین سے مشاورت کرتے رہے۔انہوں نے کئی فائلس پردستخط کئے۔اخباری نمائندوں ے بھی ملاقات کی اورکہاکہ آج میراآخری دن ہے۔اپنے حامیوں کے ساتھ انہوں نے ایک طویل اجلاس میں منعقدکیاجس میں مستقبل کی حکمت عملی پرغورکیاگیا۔بتایاجاتاہے کہ چیف منسٹرایک نئی سیاسی پارٹی قائم کریں گے۔فنڈس کی کمی نہیں ہے کیونکہ حال ہی میں انہوں نے ایک جی اوجاری کیاجوجل یکنم آبی پراجکٹ کے تعلق سے ہے جس میں کنٹراکٹروں کومزید20ہزارکروڑروپے دئیے جانے کے احکامات جاری کئے گئے ہیں۔اس پران کے حامی وزراء نے بھی سخت تنقیدکی ہے۔تلنگانہ کے وزراء کاالزام ہے کہ یہ کنٹراکٹرچیف منسٹرکی نئی پارٹی کوہزاروں کروڑروپے فنڈفراہم کرسکتے ہیں۔تلنگانہ کے قائدین نے چیف منسٹرکی جانب سے آخری مرحلہ میں فائلوں پردستخط کرنے پرسخت تنقیدکی اوران سے مطالبہ کیاہے کہ وہ کوئی فیصلہ سازاقدامات نہ کرے۔چیف منسٹرنے پہلے ہی کہہ دیاتھاکہ جس دن اسمبلی میں علیحدہ تلنگانہ بل پیش کیاجائے گامیں اسی دن استعفی دے دوں گا۔ان کے حامیوں نے انہیں مشورے دیاتھاکہ نئی ریاست کی تشکیل تک وہ اپنے عہدہ پرقائم رہے لیکن وہ اپنے فیصلہ پراٹل ہے۔چیف منسٹرنے متحدہ ریاست کی ہرممکنہ کوشش کی اورکانگریس ہائی کمان سے بغاوت بھی کردی۔ریاست کومتحدہ رکھنے کیلئے انہوں نے دہلی میں احتجاج میں بھی حصہ لیا۔ڈاکٹرراج شیکھرریڈی کے ہوائی حادثہ میں انتقال کے بعدکے روشیاکوچیف منسٹر بنایاگیاتھا۔وہ ایک سال تک عہدہ پربرقراررہے اس کے بعد اسپیکرکرن کمارریڈی کوچیف منسٹربنایاگیاتھا۔ان کاتعلق ضلع چتورسے ہے۔جورائلسیماکاایک حصہ ہے۔
AP CM Kiran Kumar Reddy may resign
کوئی تبصرے نہیں:
ایک تبصرہ شائع کریں