مرکز کی منظوری کے بغیر جن لوک پال بل کی دہلی اسمبلی میں پیشکشی پر بحث کے بیچ عام آدمی پارٹی اس مسئلہ پر ووٹنگ چاہتی ہے۔ پارٹی کا کہنا ہے کہ اگر کانگریس اور بی جے پی بل کی پیشکشی کے خلاف ووٹ دیتے ہیں تو دہلی حکومت مستعفی ہو جائے گی۔
دریں اثنا آئی اے این ایس کی ایک علیحدہ اطلاع کے بموجب دہلی کی حکومت نے آج 24 ہزار افراد کو برقی بلوں کی مکمل ادائیگی سے استثنیٰ دے دیا جنہوں نے من مانی برقی بلوں کے خلاف عام آدمی پارٹی حکومت کی مہم میں حصہ لیا تھا۔ اروند کجریوال حکومت نے ایسے لوگوں کو انعام دینے کا فیصلہ کیا ہے جنہوں نے ان کی مہم کی تائید کی تھی۔ جن لوگوں نے وزیر اعلیٰ کجریوال کی اپیل پر اکتوبر 2012 اور اپریل 2013 کے دوران برقی بل ادا نہیں کیے تھے ، انہیں اس عرصہ کے لیے اب صرف 50 فیصد بقایا جات ادا کرنے پڑیں گے اور ان پر کوئی جرمانہ بھی عائد نہیں کیا جائے گا۔ باقی رقم کا احاطہ کرنے حکومت سبسیڈی دے گی۔ اطلاعات کے مطابق عوام کے لیے عام آدمی پارٹی کی اس رعایت سے حکومت پر 6 کروڑ روپے کا اضافی بوجھ عائد ہوگا۔
Jan Lokpal Bill likely to be tabled in Delhi Assembly today
کوئی تبصرے نہیں:
ایک تبصرہ شائع کریں