اندرون ایک سال نیپال کے لیے نئے دستور کا اعلان - وزیر اعظم

کھٹمنڈو
(پی ٹی آئی )
نیپال کے وزیر اعظم سشیل کوائر لا نے آج کہا کہ ان کی حکومت تمام سیاسی پارٹیوں کے اتفاق سے اندرون ایک سال نئے دستور کا اعلان کردے گی ۔ حکومت ایک ایسا ساز گار ماحول تیار کرنے کے عہد کی پابند ہے جس کے تحت تمام سیاسی پارٹیوں کے اتفاق سے ایک نئے دستور کااعلان ممکن ہوجائے گا ۔ حکومت اندرون ایک نئے سال دستور کا اعلان کردے گی ۔ سشیل کوئر الا نے کہا کہ نیپالی عوام کیلئے ایک وفاتی جمہوری دستور کیلئے سیاسی پارٹیوں میں اتفاق پیدا کیا جائے گا ۔ یوم جمہوریت کے موقع پر تقریر کرتے ہوئے سشیل کوئیرالا نے دستور ساز اسمبلی کے اندر اور باہر ایسے دستور پر اتفاق رائے حاصل کیا جائے گا ۔ نومبر میں دوسری دستور ساز اسمبلی کے انتخابات کے بعد نیپالی کانگریس نے حکومت بنائی ۔ نئی حکومت نے اتفاق رائے سے نیا دستور بنانے کی ذمہ داری اپنے کاندھوں پر لی ہے ۔ سشیل کوئیر الا نے کہا کہ سیول حقوق ، جمہوری اقدار اور باہمی اعتماد نئے دستور کا خاصہ ہوں گے ۔ وزیر اعظم نے کہا کہ نیپال مختلف مذاہب ،مختلف زبانوں اور مختلف نسلی گروپوں کا گہوارہ ہے ۔ ان تمام گروپوں کو جمہوری اصولوں کے ذریعہ متحد کیا جاسکتا ہے ۔ سشیل کوئیر الا سب سے بڑی پارٹی نیپالی کانگریس کے صدر ہیں ۔ وہ 11فروری601رکنی پارلیمنٹ میں 405تائیدی ووٹوں سے وزیر اعظم منتخب ہوئے ۔ اس طرح کئی مہینوں سے جاری نیپال کا سیاسی تعطل ختم ہوگیا ۔ چھ دہوں سے جمہوریت کیلئے مہم میں کئی نشیب وفراز آئے ۔ نیپالی عوام کی قربانیوں سے جمہوری نظام حاصل ہوا ۔ نیپالی عوام کو ماضی میں کچل دیا گیا لیکن بالآخر جمہوری نظام حاصل کیا گیا ۔ معاشی ترقی اور ترقیات کے ذریعہ غربت اور بے روز گار ی کا خاتمہ کردیا جائے تو جمہوری اقدار کو استحکام ملے گا ۔ وزیر اعظم کوئیرالا نے تمام سیاسی پارٹیوں سے اپیل کی کہ وہ اپنی ذمہ داری پوری کرنے تعاون کریں۔ وزیراعظم کوئیرالا اپنی دو رکنی کابینہ میں ہنوز توسیع نہ کرسکے ۔ وزارت داخلہ کا قلمدان نہ دینے پر کلیدی حلیف پارٹی سی پی این ۔ یا ایم ایل نے کابینہ میں شامل ہونے والے ارکان کے ناموں کا اعلان نہیں کیا ۔ حلیف پارٹی کا مطالبہ ہے کہ اس کو وزارت داخلہ کا قلمدان دیا جائے ۔ نیپال میں طویل جودجہد کے بعد جمہوری نظام حاصل کیا گیا ۔ جمہوریت حاصل کرنے کے دن پر یوم جمہوریت منایا جاتا ہے ۔ نیپال 2008میں جمہوری ملک بن گیا ۔ اس طرح 240سالہ شاہی کا دورختم ہوگیا ۔
Nepal's Prime Minister Sushil Koirala pledges to deliver constitution within a year