Courts allows terror suspects to observe fasting- MCOCA judge's decision
ممبئی کی خصوصی مکوکا عدالت کے جج جی ٹی قادری نے آج یہاں صحیح مسلم کی حدیث کے حوالے سے انے ایک اہم فیصلہ میں دہشت گردی کے الزامات کے تحت گرفتار ایک ہومیو پیتھی ڈاکٹر کو جیل میں نفل روزہ رکھنے کی اجازت دی او رآرتھر روڈ جیل انتظامیہ کوہدایت دی کہ وہ اسے جیل میں کھجور فراہم کرے اور اوقات سحر وافطار کے لئے اسے دستی گھڑی کے استعمال کی بھی اجازت دی جائے۔ اورنگ آباد اسلحہ ضبطی کیس میں گرفتار ڈاکٹر محمد شریف شبیر احمد گزشتہ 8 برسوں سے آرتھرروڈ جیل میں قید ہیں۔ ان پردہشت گردی کی اس سازش میں اہم رول ادا کرنے کا الزام ہے ۔ ملزمین کو مفت قانونی امداد فراہم کرنے والی تنظیم جمعیۃ علماء مہاراشٹرا(ارشد مدنی) کے توسط سے ڈاکٹر شریف نے خصوصی مکوکا عدالت میں ایک عرضداشت داخل کی اورصحیح مسلم کی حدیت کا انگریزی ترجمہ عدالت میں پیش کیا اوراس کے حوالے سے عدالت کوبتایا کہ پیغمبر اسلام حضرت محمد صلی اللہ علیہ وسلم رمضان کے علاوہ عام دنوں میں بھی ہر دوسرے دن روزہ رکھاکرتے تھے اورانہوں نے صحابہ کرامؓ کویہ تلقین کی کہ ایک تندرست انسان اگرہر دوسرے دن نفل روزہ رکھے تو اس بات کی اجازت ہے۔
کوئی تبصرے نہیں:
ایک تبصرہ شائع کریں