دریں اثناء پی ٹی آئی کے بموجب کانگریس کے نائب صدر راہول گاندھی نے آج بنگلورمیں نوجوانوں کے ایک جلسہ سے خطاب کرتے ہوئے کہاکہ کانگریس نے ملک کیلئے بہت کام کیا ہے، لیکن مارکٹنگ میں پارٹی ناکام ثابت ہورہی ہے۔ اپوزیشن جماعتیں کام کم لیکن چیخ و پکار زیادہ کرتی ہے۔ کانگریس وہ واحد جماعت ہے جو غریب امیر، ہندو مسلم اور تمام طبقات کو اپنے ساتھ لے کر چلنے کی صلاحیت رکھتی ہے۔ راہول گاندھی نے طلباء، پروفیشنلس، سائنسداں، سماجی کارکن، محققین اور دیگر مختلف شعبہ ہائے حیات سے تعلق رکھنے والے نوجوانوں سے بند دروازہ کے اجلاس میں خطاب کیا۔ انہوں نے اس موقع پر کہا کہ آج کی سیاست میں نوجوانوں کومواقع حاصل نہ ہونے کا بنیادی سبب امیدواروں کے انتخاب کا ناقص طریقہ کار ہے۔ انہوں نے شرکائے اجلاس سے سوال کیا کہ کیا کسی پارٹی نے عوام سے کبھی پوچھا ہے کہ وہ کس قسم کا امیدوار چاہتے ہیں؟ اس اجلاس میں سینئر لیڈر ڈگ وجئے سنگھ، منیش تیواری، سچن پائلٹ اور جتندر سنگھ بھی موجودتھے۔ ایک اور قابل ذکر بات یہ ہے کہ انفوسس کے بانی صدر اورآدھار پروگرام کے سربراہ نندن نیلے کنی بھی اس اجلاس میں شامل تھے، جنہوں نے بنگلور سے کانگریس کے ٹکٹ پر مقابلہ کرنے کا اعلان کیا ہے۔ انہوں نے حال ہی میں کانگریس میں شامل ہونے کا اعلان کیا تھا۔ چند دن قبل یہ اطلاع گشت کررہی تھی کہ نندن نیلکنی کو کانگریس کی جانب سے وزارت عظمی کا امیدوار بنایاجاسکتا ہے۔ وہ صاف ستھرا کردار رکھنے والے اور بین الاقوامی شہرت یافتہ آئی ٹی پروفیشنل کی حیثیت سے ممتازمقام رکھتے ہیں۔
UPA govt is anti-backward: Mulayam Singh Yadav
کوئی تبصرے نہیں:
ایک تبصرہ شائع کریں