Prime Minister Manmohan Singh Friday Press Conference
وزیراعظم منموہن سنگھ جمعہ کو ایک پریس کانفرنس سے خطاب کریں گے جس کے دوران وہ پالیسی ٹھپ ہونے کے بارے میں تاثر کو دور کرنے کی کوشش کریں گے اور توقع ہے کہ وہ کرپشن اور قیمتوں میں اضافہ کے مسائل پر توجہ دینے کے علاوہ معیشت کو فروغ دینے کیلئے بعض اقدامات کا اعلان کریں گے۔ منموہن سنگھ نے جو مسلسل دسویں سال اقتدار پر ہیں بنیادی طورپر تین اہم شعبوں سیاست، معیشت اور خارجہ پالیسی پر اظہارخیال کریں گے اور اس بارے میں وضاحت کریں گے کہ کیا حاصل کیا گیا ہے اور کیا باقی ہے۔ ذرائع نے یہ بات بتائی۔ توقع ہے کہ وہ کرپشن اور قیمتوں میں اضافہ سے نمٹنے کیلئے اقدامات کا اعلان کریں گے۔ ان مسائل پر حکومت کو شدید تنقیدوں کا سامنا کرنا پڑرہا ہے۔ کرپشن کے تعلق سے منموہن سنگھ توقع ہے کہ لوک پال بل کی منطوری اور اس مسئلہ سے نمٹنے کیلئے فریم ورک کے تعین سے متعلق دیگر قوانین اور تجاویز کا حوالہ دیں گے۔ افراط زر کے تعلق سے ماہر معاشیات وزیراعظم اس کی وجوہات بیان کریں گے۔ معیشت کے تعلق سے توقع ہے کہ وہ اس بات کو واضح کریں گے کہ اگرچہ ملک کو گذشتہ دہے کے دوران دو مرتبہ عالمی کساد بازاری کی مار جھیلنی پڑی لیکن اوسط شرح ترقی غیرمعمولی رہی۔
کوئی تبصرے نہیں:
ایک تبصرہ شائع کریں